Tinna Ingvars

Lag dagsins ... fyrir Hörpu

2009-09-14T03:04:00.002-07:00

... og ekki séns að heyra hvað gaurinn er að segja. Er það "you ain't got the slang but you've got the face to play the role" eða "you ain't got to sing ... etc."

Og svo er það "she gotta hide and her has in his asshole" eða "she's got a hat and all that hat says is asshole" (??)

... og svo þetta ... er það "All of London sings. Cause England swings and they sure love the tales I bring" eða "All of London scene
Whose England's queen who makes sweet love to tales I bring" ... held reyndar að þetta síðasta sé alveg út úr kú :D

Misheard lyrics here I come!

Watchmen eða watch men?

2009-03-20T01:09:00.004-07:00

Fór semsagt að sjá myndina Watchmen í gærkvöldi.
OK, ég hef líklega verið búin að gefa mér eitthvað um myndina og líklega bjóst ég við einhverju í líkingu við X-men eða Iron Man, sem er einfaldlega besta mynd sem gerð hefur verið eftir teiknimyndablaði.
Þvílík vonbrigði.
Það er varla hægt að setja út á kvikmyndatökuna í Watchmen. Hún er næstum heillandi á köflum og allir litir í henni eru mjööög safaríkir... en það var bara ekki nóg.

Í stuttu máli sagt þá var ég farin að geyspa fljótlega eftir hlé og hugsa:
"Ætlar þessu aldrei að ljúka?"
Dr. Manhattan, ein sögupersónan í myndinni, (fyrrum efnafræðiprófessor sem breytist í bláa ofurhetju vegna hræðilegs slyss sem á sér stað á rannsóknarstofu) svaraði þessu fljótt og örugglega fyrir mig:
"It will never end. Nothing ever ends".
Sannari orð hafa varla verið sögð. Myndin er 2 tímar og 40 mínútur!

Litir, swooosh hljóð, ofbeldi og blár nakinn karlmaður náðu meira að segja ekki að halda athygli minni á myndinni.
Ja, sá blái náði reyndar að fanga athygli mína einstaka sinnum, en ef ég á að vera alveg heiðarleg þá var það eingöngu vegna þess að ég hef aldrei séð algerlega nakinn karlmann í amerískri (bíó)mynd ... en líklega hefur þótt í lagi að hafa gaurinn beran þar sem hann var í rauninni ekki maður... og tölvugerður... og umskorinn!!
Já og svo verð ég að bæta því við að ein versta kynlífssena kvikmyndasögunnar er einmitt í þessari mynd.
Ertu enn að spá í að kíkja á myndina? Seriously?!
Hmpf ... fór spæld út og byrjaði strax að telja dagana þar til Terminator mætir á svæðið.
Watchmen er klárlega ein versta mynd sem ég hef séð.

Lag dagsins ... auðvitað lagið sem hljómaði undir kynlífssenunni í myndinni ... það eina jákvæða við senuna. Reyndar er lagið með sjálfum Leonard Cohen í myndinni en mig langar bara til að heyra Jeff syngja það einu sinni enn. Hallelujah.

Eiríkur Arnar opnar í Jónas Viðar Gallerí...

2009-03-14T02:24:00.002-07:00

... í dag. Ég veit að ég er ekki alveg hlutlaus, en þetta er alveg frábær sýning. Opnunin er kl. 15 (í dag, 14. mars) og stendur í ca. 3 vikur.

Lag dagsins er með konu sem ég þekki ekkert til, en hún er alveg ótrúleg. Rakst bara á hana á netinu.
Emily Wells og lagið Symphony 1 In the Barrel of a Gun.
Vá!!

Febrúar er frábær

2009-02-02T01:27:00.000-07:00

Nú er kominn dásamlegur febrúar. Dásamlegur því hann er stuttur, hnitmiðaður og byrjar á f.
Ég er komin heim eftir hreint út sagt frábæra helgi í bústað (piparsteik, snjór, grillhús, súkkulaði, flakkari, æði) og á morgun byrjar ný vinnuvika með áframhaldandi þýðingum, tölvupikki og undirbúningi fyrir félagasýningu.

Já, alveg rétt, ég er í sýningarnefnd Myndlistarfélagsins og mun því taka við fyrirspurnum varðandi sýninguna (email og sími) - öllum félagsmönnum er velkomið að taka þátt í sýningunni ... muna bara að koma með verk í Boxið á fimmtudag því að sýningin er á laugardaginn.

Hmm... hvað meira ... já, þessir herramenn eiga báðir afmæli þann 2. febrúar. Þeir eru báðir þekktir hvor á sínu sviði. Annar sem listmálari en hinn sem vélmenni sem þráir ekkert heitar en að verða maður. Til hamingju með daginn Jónas Viðar og Data ... að vísu eru þó nokkur ár í að sá síðarnefndi fæðist en skráður fæðingardagur er 2. febrúar 2338.

Svo get ég ekki stillt mig um að láta eftirfarandi sögu fylgja með - og hún er sönn.

Kona ein kom heim og sá eiginmann sinn í eldhúsinu í áköfum krampaköstum. Hún sá það sem virtust vera tveir vírar sem lágu frá mitti hans og í átt að hraðsuðukatlinum. Hún greip spýtu sem var við hurðina með það í huga að koma manni sínum til bjargar frá hinu banvæna rafmagni og sló kröftuglega í hann svo hann tvíhandleggsbrotnaði. Fram að þessari stundu hafði hann verið alsæll í eigin heimi að hlusta á ipoddinn sinn.

Lag dagsins er lagið sem var á toppi vinsældarlistans í Bretlandi daginn sem Jónas varð sautján ára - Heart of Glass með Blondie.

Það tókst

2009-01-24T11:26:00.005-07:00

Jæja ... nú er nægur biðtími liðinn og kominn tími til að blogga á ný.
Ég lofa þó engu um afköstin. Það er eins með bloggið og aðrar mannsins athafnir að þetta kemur ekki auðveldlega nema maður virkilega þurfi. Enough said.

Í dag ætla ég ekki að rembast neitt.

Lag dagsins: The more you ignore me með Morrissey.
Hrikalega flott lag og enn betri texti.

Af hverju var ég ekki búin að fatta the Smiths og Morrissey þegar ég var táningur?
En, hei, maðurinn er ekki látinn ... gæti enn náð tónleikum með gaurnum. Ekki eins og þegar ég "uppgötvaði" æðislegan tónlistarmann að nafni Nick Drake, gúgglaði hann til að tékka á tónleikum og komst að því að maðurinn dó þegar ég var 3ja mánaða...

Meira síðar

Er mállaus... læt Dylan um að tala fyrir mig...

2008-10-10T14:07:00.003-07:00

... lag dagsins Like a Rolling Stone... textinn á ágætlega við núna.

Once upon a time you dressed so fine
You threw the bums a dime in your prime, didn't you?
People'd call, say, "Beware doll, you're bound to fall"
You thought they were all kiddin' you
You used to laugh about
Everybody that was hangin' out
Now you don't talk so loud
Now you don't seem so proud
About having to be scrounging for your next meal.

How does it feel
How does it feel
To be without a home
Like a complete unknown
Like a rolling stone?

You've gone to the finest school all right, Miss Lonely
But you know you only used to get juiced in it
And nobody has ever taught you how to live on the street
And now you find out you're gonna have to get used to it
You said you'd never compromise
With the mystery tramp, but now you realize
He's not selling any alibis
As you stare into the vacuum of his eyes
And ask him do you want to make a deal?

How does it feel
How does it feel
To be on your own
With no direction home
Like a complete unknown
Like a rolling stone?

You never turned around to see the frowns on the jugglers and the clowns
When they all come down and did tricks for you
You never understood that it ain't no good
You shouldn't let other people get your kicks for you
You used to ride on the chrome horse with your diplomat
Who carried on his shoulder a Siamese cat
Ain't it hard when you discover that
He really wasn't where it's at
After he took from you everything he could steal.

How does it feel
How does it feel
To be on your own
With no direction home
Like a complete unknown
Like a rolling stone?

Princess on the steeple and all the pretty people
They're drinkin', thinkin' that they got it made
Exchanging all kinds of precious gifts and things
But you'd better lift your diamond ring, you'd better pawn it babe
You used to be so amused
At Napoleon in rags and the language that he used
Go to him now, he calls you, you can't refuse
When you got nothing, you got nothing to lose
You're invisible now, you got no secrets to conceal.

How does it feel
How does it feel
To be on your own
With no direction home
Like a complete unknown
Like a rolling stone?

"Guð blessi Ísland" - Geir H. Haarde

Eitthvað gott er í nánd...

2008-09-01T03:25:00.002-07:00

Ég rakst á eftirfarandi á netinu. Ég er að hugsa um að taka áhættuna. Vonandi gerir þú það líka.

To laugh is to risk appearing the fool.
To weep is to risk appearing sentimental.
To reach out to others is to risk involvement.
To expose feelings is to risk exposing your true self.
To place your ideas, your dreams before a crowd is to risk their loss.
To love is to risk not being loved in return.
To live is to risk dying.
To hope is to risk despair.
To try is to risk failure.

But risks must be taken,
because the greatest hazard in life is to do nothing.

The person who risks nothing,
does nothing, has nothing, and is nothing.

They may avoid suffering and sorrow,
but they cannot learn, feel, change, grow, love, live.

Chained by their attitudes, they are a slave,
they forfeited their freedom.

Only the person who risks can be free

Svo mörg voru þau orð.
Nú ef þú ert í vanda og líður pínu illa - skoðaðu þá þetta.

Lag dagsins: Something good this way comes með Jakob Dylan. Drengurinn sá arna er sonur Bob Dylan og hafði hugrekkið til að fara út í tónlistarbransann þrátt fyrir risavaxinn skugga föður hans. Ég verð að segja að maðurinn er með hreint út sagt dásamlega rödd (svolítill Springsteen í honum...hmm?) og það verður að viðurkennast að hann er ívið fegurri á að líta en pabbinn.

Handboltaliðið okkar...

2008-08-27T17:12:00.004-07:00

... er frábært.

En elsku þjóð, öllu má nú ofgera. Er í alvöru svona leiðinlegt og ömurlegt hérna og útlitið það kolsvart að við grípum öll tækifæri til að eyða síðustu krónunum okkar í "fyllerí" og ætlum bara að hugsa um timburmennina á morgun? Kannski er þetta allt bara ofvaxin útgáfa af smjörklípuaðferðinni hans Davíðs.

Velkomnir heim strákar.
Ég klappa fyrir ykkur ... það kostar ekkert.

Kveðja,
Fúl á móti (þessi sem fékk ekki að fara tvisvar í nafni Íslands frítt til Peking með karlinum og vinahjónum á launum til að fylgjast með ykkur)

Lag dagsins: Þetta hér

Sumarið að verða búið...

2008-08-17T04:36:00.003-07:00

...kannski kemst maður í bloggfílinginn með vaxandi myrkri.
Þangað til - sleikjum sól og slökum á.

Lag dagsins er lag sem ég er alveg að fíla.
Undarlegt lag sem minnir mig einhverra hluta vegna á My Sharona með The Knack ... en samt er lagið allt öðruvísi. Skrítið hvernig ég virka stundum.
Anyhow, finnst þetta frábært lag í augnablikinu.

Kannski er það bara nafnið á bandinu.
That's not my name með The Ting Tings

Dásamlegt

2008-06-04T07:27:00.002-07:00

Þar sem sumarið er komið og fullt af verkefnum framundan þá ætla ég bara að hafa þetta stutt og skemmtilegt.

"Lag dagsins" er í rauninni tvö lög.
Fyrst þetta ...
og svo þetta (sem er svar við hinu fyrra).

Er búin að hlæja mikið af þessu ... aftur og aftur og einu sinni enn.

Gleðilegt sumar!

Mynd ...

2008-05-02T03:24:00.002-07:00

... segir meira en þúsund orð

Lag dagsins: Trouble með Ray Lamontagne (þvílík rödd)

Á Spáni ...

2008-04-17T07:31:00.002-07:00

... er gott veður!
Hér á myndinni til hliðar er ég að fikra mig upp á toppinn í bænum Altea, sem er aðeins norðan við Alicante og aðeins sunnan við Benidorm. Þetta er bær sem er þekktur sem "listamannabærinn" hérna á Costa Blanca ströndinni. Ekki slæmt að vera listamaður þarna, ha?
Pínu brattar "götur" en maður er nú ýmsu vanur ... hei, ég bý á Akureyri!
Við erum búin að vera voða dugleg hérna, skoða háskólann í Alicante, skoðum barnaskólana á morgun, búin að flækjast út um allt og maður er búinn að sjóast heilmikið í að keyra í útlöndum. Ég held samt að umferðin í miðbæ Alicante sé aðeins meira streitu-adrenalín-svita vekjandi en umferðin í Reykjavík. En, iss, ekkert mál :)
Annars allt gott að frétta bara.

Lag dagsins: U með Thomas Dybdahl ... sweet!

Lifðu drauminn!!

2008-04-07T06:55:00.002-07:00

Lag dagsins: Söngur næturdrottningarinnar úr Töfraflautunni eftir Mozart í flutningi Florence Foster Jenkins.
Konan sú var sannfærð um að hún væri snilldar óperusöngkona og ól í brjósti þann draum að gefa út plötu til að breiða út boðskapinn. Hún gerði það og uppskar mikla athygli ... skiljanlega.
Flo var þekkt fyrir einstaka rödd sína, dæmalaust taktleysi og þá staðreynd að tóneyra hennar virtist með öllu lamað. En hún hafði trú á sér og þeim hæfileikum sem hún taldi sig búa yfir og lét allan hlátur á tónleikum hennar ekki trufla sig.
Semsagt - hreinn og beinn snillingur hér á ferð.

Boðskapur dagsins er því eftirfarandi: Láttu þig dreyma og framkvæmdu svo ... skítt með það sem öðrum finnst.

Farin til Spánar!

Taka tvö

2008-04-05T04:47:00.002-07:00

Jæja - fer til Spánar á miðvikudaginn (9.apríl) ... búin með flensuna að mestu svo að þetta ætti allt að blessast.

Lag dagsins: Love will tear us apart eftir snillingana í Joy Division. Þessi útsetning finnst mér hrikalega flott ... bara einhver gaur við píanóið. Mér finnst eins og lagið hafi átt að vera svona.
Upprunalega útgáfan er samt alltaf snilld :)

Textinn ... hvað get ég sagt ... ofurraunsæ lýsing á samböndum ... hittir beint í hjartað:

When the routine bites hard
And ambitions are low
And the resentment rides high
But emotions wont grow
And were changing our ways,
Taking different roads
Then love, love will tear us apart again

Why is the bedroom so cold
Turned away on your side?
Is my timing that flawed,
Our respect run so dry?
Yet theres still this appeal
That weve kept through our lives
Love, love will tear us apart again

Do you cry out in your sleep
All my failings expose?
Get a taste in my mouth
As desperation takes hold
Is it something so good
Just cant function no more?
When love, love will tear us apart again

Allt í plati

2008-03-26T01:31:00.002-07:00

Það er einhver ólga inn í mér.
Ég var eiginlega búin að lofa sjálfri mér að vera ekki að skrifa mikið um ástandið í heiminum á þessu bloggi ... átti eiginlega bara að vera létt og leikandi eitthvað.
En common! Ég bý á Íslandi - þú veist, landinu sem á að vera "bezt í heimi!" - og það er ekki alveg að standa undir væntingum.
Ég er kannski ekki manneskjan sem er með puttann á púlsinum í efnahagsmálum, en ég þyrfti að vera grænmeti til að finna ekki fyrir ástandinu.
Eins og ég sé þetta þá erum við að skíta á okkur hérna.
Ísland er unglingur á gelgjuskeiði. Nýfermdur með græðgi og glýju í augum ... og að springa úr hormónum. Ef það koma fréttir af nýrri tækni - kaupa það strax! Ef einhver annar er búinn að fá sér nýtt dót þá fáum við okkur það líka - bara stærra og flottara.
Við erum bara í Gagganum í skóla heimsins. Og við höldum að við vitum allt betur - rétt eins og unglingur.
Ég man, þegar ég var unglingur í minni fyrstu ástarsorg, að ég sagði grátbólgin með ekkasogum við móður mína: "En þú hefur aldrei verið svona ástfangin!" (og barði á brjóst mér með snýtuklútnum) ... hún brosti eins og Móna Lísa. Brosi sem leynir á sér en sagði ekkert.
Svona er Ísland. Allt byrjar og endar á því og heimurinn er þarna bara fyrir það. Og okkar leið er sú eina rétta. Við ætlum sko að halda í glataðan gjaldmiðil og halda áfram að eyða í tilgangslausa hluti, því að okkur finnst það bara vera rétt og hlustum ekki á ráð eldri og reyndari einstaklinga, fylgjum ekki fordæmum annarra og lærum alls ekki af mistökum sem aðrir gera.
Og hvað gerist svo?
Við sitjum í eftirpartýinu, umkringd rusli sem var "geggt" flott í gær, allir farnir og við sitjum eftir í súpunni.
Skemmtilegt líka þegar maður skoðar stöðuna á láninu á íbúðinni sem ég keypti fyrir tæpum 4 árum ... bara búið að hækka um rúma milljón þrátt fyrir stöðugar afborganir. Sweet!

Jæja - best að fara að gera eitthvað ... ætla að gera lista yfir allt draslið sem ég ætla ekki að hafa með mér þegar ég fer héðan.

Lag dagsins: Fake plastic trees með Radiohead. Textinn er fullkominn. Thom Yorke brast í grát þegar hann var búinn að taka lagið upp.

Skiljanlega.

Smá babb í bát

2008-03-23T15:21:00.003-07:00

Uss ... lagðist í flensu og ligg enn. Komst ekki til Spánar!
Var komin suður, búin að pakka, allt klárt ... en nei, komin heim aftur.
Taka tvö verður þann 9. apríl.
Ljósu punktarnir (eins og bjartsýnismaðurinn hann Eiríkur benti á):

það verður hlýrra þá
við verðum 3 dögum lengur
gengið verður líklega hagstæðara
get látið mig hlakka til í 2 vikur í viðbót

Annars er ég alltaf að verða betur undir það búin að fljúga í burtu og kveðja þetta yndislega land því það er hreinlega ekki hægt að búa hérna lengur. Og ég hlakka til að koma aftur ... í heimsókn og jafnvel flytja aftur heim ... þegar landið er hætt að sökkva.
Ég er alveg að verða tilbúin að segja hátt og snjallt: Bæ, bæ Ísland!

Lag dagsins: I sing I swim með Seabear
Fallegt og gott.

Jæja ...

2008-03-19T03:57:00.005-07:00

... þá eru öll próf næstum því búin. Eitt sjúkrapróf eftir í maí. Vonandi ekkert upptöku- próf.

Núna er ég að undirbúa brottför - er að fara til Spánar á laugardaginn að tékka á stöðunni. Erum að fara nánar tiltekið til La Marina (rauði hringurinn á kortinu hér fyrir ofan) - aðeins 20 mín. akstur frá Alicante. Ég og Eiríkur að fara að skoða skóla fyrir okkur öll, tala við fólk og fá upplýsingar. Svo, ef okkur líst vel á þetta, flytjum við suður á bóginn í haust. Jesús!

Lag dagsins: Hips again með Bloodgroup ... mér finnst þetta hrikalega flott lag og get ekki hætt að dilla dilla mjöðmum þegar ég hlusta á það!

Hola!

Snilld enn og aftur

2008-03-11T04:25:00.004-07:00

"Life is just a series of peaks and troughs. And you don't know whether you're in a trough until you're climbing out, or on a peak until you're coming down. And that's it you know, you never know what's round the corner. But it's all good. 'If you want the rainbow, you've gotta put up with the rain.' Do you know which "philosopher" said that? Dolly Parton. And people say she's just a big pair of tits."

-- The Office, David Brent from Series 2, Episode 6

Síðasti skóladagurinn á morgun. 5 ára skólagöngu að ljúka. Og hvað svo?

Lag dagsins: Hold on með Tom Waits ... ussssssssnillingurerettaaaa!!!

Postsecret er snilld!

2008-03-09T03:37:00.014-07:00

Æ, það eru svo mörg góð póstkort þarna ... mörg alveg gullfalleg, sum fyndin, önnur sorgleg ... og svo eru þarna nokkur sem hitta algjörlega í mark, rétt eins og ég hafi skrifað þau sjálf.

Sunnudagsmorgnar eru góðir ... þá setur Frank inn póstkort vikunnar.
Lag dagsins: High & Dry með Radiohead ... fullkomið lag fyrir daginn í dag.

Dig Lazarus Dig!!!

2008-03-05T03:09:00.008-07:00

Hann er kominn út! Nýjasti diskur Nick Cave and the Bad Seeds, "Dig, Lazarus, dig!!!"

Enn og aftur sannar Nick Cave að hann er snillingur, snillingur ... snillingur segi ég og skrifa!

Lag dagsins: Dig, Lazarus, Dig!!! ... hvað annað?

Nafnið Lazarus kemur fram á tveimur stöðum í nýja testamentinu og er um tvo menn með þessu nafni að ræða:
1) hann er betlarinn sem hlaut eilíft líf á himnum meðan hinn ríki og eigingjarni kvaldist í helvíti (Lúkasarguðspjall 16:19-31).
2) hann var maðurinn sem lést og hafði hvílt í gröf sinni í 4 daga þegar Jesú kíkti í heimsókn og lífgaði hann við (Jóhannesarguðspjall 11:1-44).

Nafnið Lazarus er því tákngervingur upprisunnar og hins eilífa lífs. Hver man ekki eftir þessari tilvitnun: "Ég er upprisan og lífið; sá sem trúir á mig, mun lifa þótt hann deyi. Og hver sá sem lifir og trúir á mig, hann skal aldrei að eilífu deyja." - þetta er einmitt úr Jóhannesarguðspalli og Jesú segir þetta rétt áður en hann skipar Lazarus að koma út úr gröf sinni.

Margir listamenn hafa leitað í söguna um Lazarus t.d. Caravaggio (sjá mynd hér að ofan), Rembrandt, Van Gogh, Placebo (tónlist), Dostojevskí (Glæpur og refsing) og Sylvia Plath (ljóð). Einnig poppar Lazarus upp á öðrum stöðum t.d. Casper (kvikmynd), Diablo (tölvuleikur), teiknimyndablöðum (Batman) og X-Files (sjónvarpsþættir). Og nú hjá Nick Cave.

Hér er svo textinn hans Nikka :

[Dig yourself]
[Laz’rus dig yourself]
[Laz’rus dig yourself]
[Laz’rus dig yourself]
[Back in that hole.]

Larry made his nest high up in the autumn branches
Built from nothing but high hopes and thin air
He collected up some baby blasted mothers who took their chances
And for a while they lived quite happily up there

He came from New York city man, but he couldn’t take the pace
He thought it was like dog eat dog world
Then he went to San Francisco, spent a year in outer space
With a sweet little San Fransiscan girl.

I can hear my mother wailing and a whole lot of scraping of chairs

I don’t know what it is but there’s definitely something going on upstairs
[Dig yourself]
[Laz’rus dig yourself]
[Laz’rus dig yourself]
[Laz’rus dig yourself]
(I want you to dig)[Back in that hole.]

(I want you to dig)

(I want you to dig)Meanwhile Larry made up names for the ladies
Like miss Boo and miss Quick
He stockpiled weapons and took potshots in the air
He feasted on their lovely bodies like a lunatic
And wrapped himself up in their soft yellow hair

I can hear chants and incantations and some guy is mentioning me in his prayers.
Well, I don’t know what it is but there’s definitely something going on upstairs
[Dig yourself]
[Laz’rus dig yourself]
[Laz’rus dig yourself]
[Laz’rus dig yourself]
(I want you to dig)[Back in that hole.]

(I want you to dig)

(I want you to dig)Well L New York City man, San Francisco, LA, I don’t know
But Larry grew increasingly neurotic and obscene
I mean he, he never asked to be raised from the tomb
I mean no one ever actually asked him to forsake his dreams
He ended up like so many of them do, back on the streets of New York City
In a soup queue, a dopefiend, a slave, then prison, then the madhouse, then the grave
Ah poor Larry.

But what do we really know of the dead And who actually cares?

Well, I don’t know what it is but there’s definitely something going on upstairs.[Dig yourself]
[Laz’rus dig yourself]
[Laz’rus dig yourself]
[Laz’rus dig yourself]
(I want you to dig)[Back in that hole Dig yourself]

Annars bara allt gott að frétta ...

Það sem skiptir máli ...

2008-02-17T16:52:00.004-07:00

... er að njóta alls þess sem lífið hefur upp á að bjóða. Og elska af öllu hjarta (lesist með rödd Whitney Houston, áherslum Mariah Carey og hljómfalli Celine Dion ... hahaha)

Í dag er ég væmin. Ofurvæmin. Sem er gott líka inn á milli.
Semsagt - allt fallega sykurbleikt hjá mér þessa stundina ... smá tilbreyting frá djúpsvarbláa litnum sem mér finnst reyndar dásamlegur.

Hér er fyrir ofan er mynd sem Unnþór, elskulegur frændi minn, tók af mér og honum sjálfum um jólin. Og hér fyrir neðan er ein af honum og Björk sætu frænku. Þetta er bara hluti af enn stærri seríu sem heitir héðan í frá "Unnþór og hinir". Þar tók hann mynd af öllum í familíunni ... með sér að sjálfsögðu. Gat því miður ekki sett alla seríuna inn, en aldrei að vita nema ég laumi einni og einni inn í einu. Sjáum til.

Annars allt gott að frétta. Hamast í skólanum. Er í refsirétti - afbrot og refsiábyrgð er mál málanna hjá mér núna. Kannski það sé ástæðan fyrir sykurbleika andrúmsloftinu sem ég leita í ... reynir maður ekki alltaf að jafna allt út? Finna ballansinn?

Áfram með væmnina! Lag dagsins minnir mig á gamla tíma, þegar ég var ca. 14-15 ára ... sem er bara fyrir nokkrum árum eins og allir vita. Þetta lag færir mig aftur til þess tíma þegar ég var saklaus, hrein og bleikari en allt sem bleikt var. Samt er þetta nýtt lag ... skrítið.
Ok, lag dagsins er Tell you something með Alicia Keys.

Sykur, hunang hunang!!

OK

2008-02-13T18:58:00.003-07:00

Lag dagsins: No Woman, No Cry með Bob Marley

Myndlist vs. lögfræði

2008-01-19T03:41:00.000-07:00

Þetta er semsagt málverkið sem ég málaði. Ég er nokkuð sátt við það enn þann dag í dag, en ég málaði það árið 2001. Ég vona að nýr eigandi sé eins sáttur og ég.

Hmm ... spurning hvort maður skelli sér ekki bara á vinnustofuna núna og fái andann yfir sig. Geri það kannski þegar ég er búin að leysa þetta dásamlega raunhæfa verkefni í Félagarétti sem ég á að skila á mánudaginn.

Stundum finnst mér erfitt að skipta mér á milli svona ólíkra sviða. En kannski er það bara vitleysa í mér. Kannski er það einmitt málið.

Lag dagsins: That Old Pair of Jeans með Fatboy Slim ... dilli-dilli-joy-joy lag og auðvitað snilldarmyndband hjá kallinum eins og vanalega.
Jogglarinn í myndbandinu minnir mig á sjálfa mig. Nema boltarnir hjá mér heita "lögfræði", "myndlist", "fjölskylda" og "félagslíf"

Sicko!

2008-01-17T16:44:00.000-07:00

America's health care system is second only to Japan, Canada, Sweden, Great Britain, well...all of Europe. But you can thank your lucky stars we don't live in Paraguay!
- Homer Simpson

Sá loksins myndina Sicko! eftir Michael Moore um daginn.
Hrikalega góð mynd. Já, eiginlega er orðið "hrikaleg" afar viðeigandi. Fékk vægt taugaáfall vegna óréttlætisins og, tja, heimskunni sem fram kom í myndinni. Skilaboðin voru nokkuð skýr - einkavæðing á heilbrigðissviðinu er ekki möguleiki í mínum huga.
Ég hvet alla sem halda öðru fram að horfa á þessa mynd ... og hlusta á Homer.

Annars er bara allt gott að frétta. Seldi málverk í fyrradag ... og ég sem er í lögfræði. Stundum er veröldin aðeins of fyndin.

Lag dagsins: Another lonely day með Ben Harper. Dásamlegt lag. Dásamlegur texti.

Hehe

2008-01-13T16:56:00.001-07:00

Lag dagsins: Hyperballad með Björk ... að mínu mati besta, besta, bestasta lagið hennar.

Þessi falleg Dagur ...

2008-01-11T02:12:00.001-07:00

... á afmæli í dag. Já, sonur minn hann Dagur Júlíus er orðinn stór strákur.

Ótrúlegt hvað tíminn líður eins og óð fluga, en maður verður að horfast í augu við það súra epli að maður verður víst ekki yngri ... en ég ætla ekki að vera andvana yfir þessu :)

Þegar hann fæddist (árið 2003) var lagið "Fallegi dagur" með Bubba Morthens vinsælast. Enn í dag heldur Dagur Júlíus að þetta lag sé samið um hann sérstaklega.

Lag dagsins er lagið sem var á toppnum þennan dag - 11. janúar 2003 - í Bandaríkjunum. Lose Yourself með Eminem. (það er skárra en lagið sem var á toppnum í Bretlandi þennan dag ... Sound of the Underground með Girls Aloud!)

I'm the King of the World

2008-01-05T14:06:00.000-07:00

Já ... svona líður mér stundum. Rétt eins og mér séu allir vegir færir. Þá kemur einhver skítamávur og spillir augnablikinu.
En fyndið er það og það er um að gera að halda í húmorinn.

Ég er loksins búin í prófum. Sjúkraprófið í Skaðabótarétti rann ljúflega framhjá mér. Ég fór í prófið. Skrifaði. Man ekkert hvað ég skrifaði þar sem ég var búin að vera veik í nokkra daga fyrir próf og ekki alveg í mínu besta formi þarna.
Nú hef ég nokkra daga til að vera í fríi þar til næsta lota hefst (þann 14.) og taka félagarétt, refsirétt, fasteignarétt og 1 stk. mastersritgerð í nefið ... og útskrifast í júní ef Guð lofar.

En nóg um það.

Að lokum vil ég þakka Baldri Rafns fyrir að skrifa fyrir einhverju síðan um forritið "stumble upon". Forvitnin var mikil. Ákvað að sækja þetta forrit sem er viðbót við vafrann ... and the rest is history.

Þessar myndir segja meira um þetta snilldar/f***ing forrit en mörg orð:

Stumble upon er ástæða svefnleysis og mýmargra ánægjustunda. Verst að maður er alltaf einn að "stumbla" þar sem það er ekki beinlínis hópíþrótt.

Þeir sem áhuga hafa ... be aware ... náið í það hér.
Hafið bara í huga að manneskja er alltaf áhugaverðari en tölva.

Lag dagsins: Life on Mars með meistara David Bowie. Gríðarlega flott lag með gríðarlega góðum texta.
Og þar sem ég virðist vera mikill aðdáandi ukulele (hehe) þá læt ég fylgja með Life on Mars með Ukulele Orchestra of Great Britain ... snilld.

Ást og friður!

Nýtt ár!

2008-01-02T00:46:00.000-07:00

Góðan dag og gleðilegt nýtt ár!
Ég held að árið 2008 verði ca. 12 mánuðir og að þversumma ársins verði 1. Það er mín spá en við skulum sjá í lok árs hversu mikið af þessu rætist.

Það sem hæst bar á síðasta ári er án efa sú frétt sem ætlaði allt um koll að keyra á netinu ... fréttin sem var í rauninni spurning sem enn er ósvarað: Var Beckham með sokk inn á sér þegar myndin var tekin (sjá hér að ofan)? Ég er búin að leggjast í mikla myndgreiningu, zoommma, croppa, rýna og róteita, en þrátt fyrir miklar samanburðarrannsóknir, byggðar á eðli, gildi, massa og rúmfræði, eðlisfræði, líffræði og jafnvel afstæðiskenningum er enn fátt um svör.

Já, nýtt ár ... hvur veit hvað tekur nú við. Vonum bara að það verði ekki eitthvað hundleiðinlegt.

Lag dagsins: Stanslaust stuð með Páli Óskari. Mér finnst hann æði og endalaust bros.
Hann er fyrir mér dr. Jekyll þegar Nick Cave er Mr. Hyde ... dr. Love and Mr. Cave.

Rak augun í tvö nöfn þegar ég fann þetta lag: Sigurjón Kjartansson og Jóhann Jóhannsson eru skráðir sem höfundar lagsins ásamt Paul Oscar. Getur það verið? Tvíhöfðinn Grjóni og snillingurinn Jói? Fyrrum HAM meðlimirnir? Hahaha ... lífið er fyndið.

Hugvekja

2007-12-18T03:35:00.000-07:00

George Denis Patrick Carlin er grínisti sem fæddist 12. maí (eins og aðrar merkar manneskjur ... t.d. Gulla frænka og Guðrún vinkona) árið 1937.
Þessi maður er þekktur fyrir svartan húmor og er óhræddur við að láta skoðanir sínar í ljós, hvort sem þær snúast um pólitík, trúmál eða önnur hitamál.

Ég fann hugleiðingar Carlin um gildi á vefnum.
Þykir mér við hæfi að birta þær hér í dag þegar hraðinn og kröfurnar eru orðnar meiri en nokkru sinni fyrr. Jólin nálgast. Reynum að muna hver tilgangurinn er með þessu öllu saman.

The paradox of our time in history is that we have taller buildings but shorter tempers,
wider Freeways, but narrower viewpoints. We spend more, but have less, we buy more,
but enjoy less. We have bigger houses and smaller families, more conveniences, but less time.
We have more degrees but less sense, more knowledge, but less judgment,
more experts, yet more problems, more medicine, but less wellness.

We drink too much, smoke too much, spend too recklessly, laugh too little,
drive too fast, get too angry, stay up too late, get up too tired, read too little,
watch TV too much, & pray too seldom.

We have multiplied our possessions, but reduced our values.
We talk too much, love too seldom, and hate too often.

We've learned how to make a living, but not a life. We've added years to life not life to years.
We've been all the way to the moon & back, but have trouble crossing the street to meet a new neighbor.
We conquered outer space but not inner space. We've done larger things, but not better things.

We've cleaned up the air, but polluted the soul. We've conquered the atom, but not our prejudice.
We write more, but learn less. We plan more, but accomplish less. We've learned to rush,
but not to wait. We build more computers to hold more information, to produce more copies than ever,
but we communicate less & less.

These are the times of fast foods and slow digestion, big men & small character, steep
profits & shallow relationships. These are the days of two incomes but more divorce, fancier
houses, but broken homes. These are days of quick trips, disposable diapers, throwaway morality,
one night stands, overweight bodies, & pills that do everything from cheer,
to quiet, to kill. It is a time when there is much in the showroom window & nothing in the stockroom.
A time when technology can bring this letter to you, & a time when you can choose either
to share this insight, or to just hit delete...

Remember; spend some time with your loved ones,
because they are not going to be around forever.

Remember, say a kind word to someone who looks up to you in awe,
because that little person soon will grow up & leave your side.

Remember, to give a warm hug to the one next to you, because that is the only
treasure you can give with your heart & it doesn't cost a cent.

Remember, to say, "I love you" to your partner and your loved ones, but most of all mean it.
A kiss and an embrace will mend hurt when it comes from deep inside of you.

Remember to hold hands and cherish the moment for
someday that person will not be there again.

Give time to love, give time to speak! And give time to
share the precious thoughts in your mind.

AND ALWAYS REMEMBER:

Life is not measured by the number of breaths we take,
but by the moments that take our breath away.

If you don't send this to at least 8 people....Who cares?

- George Carlin

Lag dagsins: Weapon of Choice með Fatboy Slim ... langflottasta myndband ever með Christopher Walken í aðalhlutverki.

Minning

2007-12-06T16:50:00.000-07:00

Hún var sterk.
Hún var nett.
Hún var brosmild.
Hún var barngóð.
Hún var uppfinningasöm.
Hún var ævintýri.
Hún var hlý.
Hún var til staðar.
Hún var elskuð.
Hún var amma.

Takk fyrir allt og allt, amma Jónína.

Lag dagsins: Somewhere over the rainbow.

Skítaveður ...

2007-11-30T02:52:00.000-07:00

... á Íslandi í dag. Hitastig við frostmark. Norðanátt og vindurinn hrækir blautum hálffrosnum slettum í andlitið á manni. Því er tilvalið að líta á björtu hliðarnar og reyna að finna brosið. Ég legg til að dagurinn í dag verði Ukulele dagurinn ... því hvaða dagur er betur til þess fallinn en 30. nóvember? Ég veit, enginn.

Ukulele er hljóðfæri hinna hamingjusömu. Það er bara þannig (sbr. mynd hér að ofan). Nú, ef hljóðfærið sjálft veitir ekki hamingju og gleði og kallar fram brosviprur í frostbitnu andliti, þá er alltaf gaman að sjá fólk með ukulele.

Í Bretlandi er starfandi hin óviðjafnanlega hljómsveit The Ukulele Orchestra of Great Britain og hefur hún einstakt lag á að nýta hljóðfærið á sinn hátt.
Lag dagsins er því Smells like teen spirit - já, gamla góða Nirvana lagið - með þessari stórgóðu hljómsveit.

Þeir sem skoða þetta myndband geta svo litið á hin framlög hljómsveitarinnar í leiðinni. Mæli ég eindregið með útsetningu þeirra á hinu klassíska lagi úr The good, the bad and the ugly sem og Wuthering Heights (Kate Bush).

Aloha!

(p.s. "Aloha au ia oe" þýðir "ég elska þig" og "Okole maluna!" þýðir "Skál!" ... now everybody can speak Hawaiian!)

Hin óviðjafnanlega ást

2007-11-23T15:56:00.000-07:00

Had I The Heavens' Embroidered Cloths

Had I the heavens' embroidered cloths,
Enwrought with golden and silver light,
The blue and the dim and the dark cloths
Of night and light and the half-light,
I would spread the cloths under your feet:
But I, being poor, have only my dreams;
I have spread my dreams under your feet;
Tread softly because you tread on my dreams.

- William Butler Yeats

Þetta ljóð er fegurð. Hvílík fegurð.

Lag dagsins er öðruvísi óður til ástarinnar ... Adam Sandler flytur á sinn einstaka hátt lagið At a Medium Pace

(Takk, Vignir)

Fróðleiksmoli dagsins: setning sem nauðsynlegt er að kunna þegar ástin bankar uppá ... á latínu:
Amicule, deliciae, num is sum qui mentiar tibi?
(Lauslega þýtt: Elskan, ástin, myndi ég ljúga að þér?)

Biðin er senn á enda ...

2007-11-09T15:15:00.001-07:00

... því Nick Cave & the Bad Seeds munu gefa út nýjan disk "Dig, Lazarus, dig!" þann 3. mars n.k.

Jesús, get ég beðið, já, nei, veit ekki, jú ... verð bara að lesa lögfræði eða eitthvað þangað til.

Lag dagsins er mitt uppáhaldslag með meistaranum ... He wants you

Textinn er að mínu mati óviðjafnanlegur:

In his boat and through the dark he rowed
Chained to oar and the night and the wind that blowed
Horribly 'round his ears
Under the bridge and into your dreams he soars
While you lie alone in that idea-free sleep of yours
That you've been sleeping now for years

And he wants you
He wants you
He is straight and he is true

Beneath the hanging cliffs and under the many stars where
He will move, all amongst your tangled hair
And deep into the sea
And you will wake and walk and draw the blind
And feel some presence there behind
And turn to see what that may be
Oh, babe, it's me

And he wants you
He wants you
He is straight and he is true

Ég bíð.

Someday, buddy, someday

2007-10-23T13:18:00.000-07:00

Svona á lífið að vera. Ég vil vera svona þegar ég er orðin stór ... ok, ég vil kannski ekki vera dvergvaxinn karlkyns poppari (167 sm), en ég vil hafa það svona gott og gera góða hluti.

Ef það er eitthvað sem ég kann vel að meta þá er það orða- og stafa- og textabrengl.
Allt rugl með texta gerir líf mitt skemmtilegra og gleður mig meir en margt annað.
Og það er alltaf gott að fá hláturskast til að losna við lágskýjaðan raunveruleikann.

Titill bloggsins að þessu sinni er einmitt snilldarbrengl á texta.
Maðurinn (sem ég þekki ekki neitt) sem á heiðurinn að þessu brengli var staddur á U2 tónleikum og söng himinhátt ásamt öðrum heitum U2 aðdáendum með einkennislagi sveitarinnar ... Sunday, bloody Sunday (Someday, buddy, someday).

Ég hef sjálf ruglað margoft með texta. Mig minnir að ég hafi átt í miklum erfiðleikum með lagið Kyrie (ef einhver man eftir því lagi) með Mr. Mister.
"Kyrie, I listen of the road that I must travel" ... þessi texti meikar ekki sens. Ekki að rétti textinn sé eitthvað skiljanlegri "Kyrie, eleison down the road that I must travel".
Samt er þetta betri útgáfa sem meikar enn meiri sens: "Carry a laser down the road that I must travel".

Fleiri gullmolar:

Deep Purple: Smoke On The Water
Rétt:
Smoke on the water, fire in the sky

Misheyrt:
Slow walking Walter, fire engine guy

Simon and Garfunkel: The Sound of Silence
Rétt:
Hello darkness my old friend, I've come to talk to you again

Misheyrt:
Hello Douglas my old friend, I've come to talk to you and Jen

Clash: Rock The Cashbah (ehemm ... ef einhver getur skilið hvað gaurinn er að syngja þá á sá hinn sami skilið súpu á Bautanum og jafnvel salat)
Rétt:
Rock the Cashbah

Misheyrt:
Rock the cat's butt

Bítlarnir: Michelle
Rétt:
Michelle, ma belle, sont les mots qui vont tres bien ensemble, tres bien ensemble

Misheyrt:
Michelle, my bell, Sunday monkeys say the end is done, the end is done

Queens of the Stone Age: No One Knows
Rétt:
We get these pills to swallow, how they stick in you throat, tastes like gold

Misheyrt:
We get these pills to swallow, makes me sick and I choke, tastes like goat

The Cure: Love Cats
Rétt:
We're so wonderfully, wonderfully, wonderfully, wonderfully pretty

Misheyrt:
So one flea, one flea, one flea, one flea. Pity! (þetta á ég alveg skuldlaust ... and I'm proud of it!)

Robert Palmer: Addicted to love
Rétt:
Might as well face it you're addicted to love

Misheyrt:
Might as well face it you're a dick with a glove.

R.E.M: Losing my Religion
Rétt:
That's me in the corner, that's me in the spotlight

Misheyrt:
Let's pee in the corner, let's pee in the spotlight

ABBA: Chiquitita
Rétt:
Chiquitita, tell me what's wrong

Misheyrt:
Take your teeth out, tell me what's wrong

Ahh ... það er svo gott að ég er ekki ein um að syngja himinhátt einhverja vitleysu.
Þetta er auðvitað tekið af snilldarsíðunni www.kissthisguy.com, en heiti síðunnar er einmitt algengasta "misheyrnin" í sögu tónlistar:
Jimi Hendrix, Purple Haze ('Scuse me, while I kiss the sky).

Lag dagsins er Rock the Casbah - myndbandið er samansett af "misheyrðum" texta lagsins. Til samanburðar má sjá réttan texta í upplýsingum til hliðar við það. Mjög gott.

C u later elevator!

Huh ... ?

2007-10-11T16:46:00.000-07:00

What Famous Leader Are You?
personality tests by similarminds.com

Niðurstaðan er skýr ... I'm a Macedonian dwarf!

Takk Harpa mín ;)

Lag dagsins: Money með Pink Floyd

Hann á ammmæl'ídag...

2007-09-22T13:44:00.000-07:00

Maðurinn er svalari en allt svalt. Hann er fimmtugur í dag þessi elska. Hann lengi lifi!

Það þarf kannski ekki að taka það fram, en hann hefur verið í algjöru uppáhaldi hjá mér í mörg herrans ár. Ég missti reyndar af fyrstu árunum hans (held að ég hafi bara verið að hlusta á Wham og eitthvað svoleiðis á þeim tíma) en ég náði að vinna það upp fljótt og örugglega síðar.

Ég hef farið á tvenna tónleika með honum. Fyrst á Broadway árið 2002 í desember (var þá frekar ólétt og vonaði allan tímann að krílið biði a.m.k. fram yfir tónleika með að koma í heiminn ... sem hann gerði og gott betur en það). Því miður man ég ekkert alltof mikið eftir þeim, nema svona stöku lagi. Held að spörkin í Degi og andlegt overload hafi átt sinn þátt í því. Seinni tónleikarnir voru svo í fyrra í Höllinni ... uuussssss!!! Ég man þá alla frá a - ö.

Til hamingju með daginn, Nick Cave! Sendi þér blásvartan himin og ýlfrandi vind í afmælisgjöf. Og ef þér leiðist ... gimme a call ;)

Lag dagsins: Red Right Hand með meistaranum sjálfum.

Aftur til framtíðar

2007-09-18T16:27:00.000-07:00

Hver man ekki eftir myndunum Back to the future I-III?

(lesist með rödd gaursins í Vörutorginu)

Ég man.

Enda ódauðleg snilld þarna á ferðinni verð ég að segja.

Michael J. Fox og hinir ... æ, þarna ... Christopher ... eitthvað ... pabbinn (hóst) ... já, og "Biff" - sem maður elskaði að hata.

Hvar eru þau nú?

Lag dagsins svarar a.m.k. einum þætti spurningarinnar:

Stop asking me the question! með Thomas Wilson a.k.a ... Biff!

Skilaboð til þín

2007-09-16T10:44:00.000-07:00

Vertu flekklaus í orði
Talaðu af heilindum. Segðu aðeins það sem þú meinar.
Passaðu að nota ekki orðið gegn þér eða til að slúðra um aðra.
Beindu krafti orða þinna í átt að sannleika og kærleika.

Ekki taka neitt persónulega
Ekkert sem annað fólk gerir er þín vegna.
Það sem aðrir segja og gera er speglun af þeirra eigin veruleika, þeirra eigin hugarástandi.
Þegar þú hættir að taka skoðanir og gjörðir annarra nærri þér, verðurðu ekki lengur fórnarlamb ónauðsynlegrar vanlíðunar.

Ekki draga rangar ályktanir
Hafðu hugrekki til að spyrja spurninga og til að biðja um það sem þú raunverulega vilt.
Hafðu samskipti þín við aðra skýr svo þú komist hjá misskilningi og sárindum.
Þessi eina lífsregla getur umbreytt lífi þínu.

Gerðu alltaf þitt besta
Þitt besta mun breytast á hverju andartaki við ólíkar aðstæður.
Burtséð hverjar kringumstæðurnar eru, gerðu einfaldlega þitt besta og þú munt hætta að fordæma, fara illa með þig og fyllast eftirsjá.

Þetta eru góðar reglur sem virka einfaldar en hér sannast hið fornkveðna að sumt er hægara sagt en gert. Það er þó þess virði að reyna.

Getur ein manneskja breytt heiminum?

Lag dagsins: Imagine með John Lennon

Ink and Incapability

2007-09-10T02:47:00.000-07:00

Það er nóg að gera þessa dagana.
Er að stúdera samningarétt núna undir styrkri stjórn Ingu Þallar og aðeins ein vika eftir af þeim áfanga. Þá tekur skaðabótaréttur við sem ég held að verði frekar strembinn áfangi ... svona miðað við kennsluáætlunina sem við fengum í síðustu viku.

En það er bara gott og gaman. Ákaflega nytsamleg lögfræði sem við erum að læra þessa dagana ... svo nytsamleg að nánustu ættingjar telja hreinlega að maður sé nánast útskrifaður og allt :)

Það hefur reyndar verið ákaflega gaman að fá alls konar spurningar og reyna að svara þeim ... en alltaf þó með þessari setningu í lokin: "Þetta er það sem ég held, en ég myndi tala við lögfræðing til að fá það alveg á hreint hver staða þín er í þessu máli."

Ég dáist að lögfræðingum.
Það er engin smáræðis ábyrgð sem hvílir á þeim. Yfirleitt leitar fólk ekki til þeirra nema þegar mikið liggur undir og þá treystir það þeim fyrir öllu sínu í því máli. Það er ekkert grín.

Lag dagsins: Ég fann eftirfarandi atriði á netinu og er þetta litla atriði á svo sannarlega skilið að vera lag dagsins. Því miður veit ég ekki hvað lagið heitir, en flytjandinn er Hugh Laurie, sem er að mínu mati einn af bestu gamanleikurum nútímans.
Það kannast kannski flestir við hann sem hinn skapstygga, dónalega, hrokafulla og kaldhæðna Dr. House í samnefndum þáttum sem sýndir eru á Skjá 1. En ég man eftir honum sem Prince George (og fleiri) í hinum óviðjafnanlegu Blackadder þáttum (sjá mynd efst).

"Blackadder: Baldrick, have you no idea what irony is?
Baldrick: Yes, it's like goldy and bronzy only it's made out of iron."

Já semsagt, lag dagsins er með Hugh Laurie og textinn segir allt sem segja þarf.

So how do you like Iceland?

2007-09-03T03:57:00.000-07:00

Bloggið er að þessu sinni til heiðurs þessum manni - Martin J. Meier. Það er mikið gleðiefni að annar eins snillingur er kominn til Íslands. Upphaflega kom hann til landsins árið 1999 og dvaldist á gestavinnustofu Gilfélagsins í þrjá mánuði en hann er starfandi listamaður og býr í Basel í Sviss. Ég var í myndlistaskólanum á þeim tíma og var svo heppin að fá að kynnast honum. Tæp átta ár eru liðin og hann hefur ekkert breyst ... og ég vil líta svo á að ég hafi heldur ekkert breyst :)

Martin er einstakur. Hann er afar mjúkur og kurteis einstaklingur og er ekki feiminn við að sýna tilfinningar sínar. Þegar hann sá Akureyri birtast með öllum sínum ljósum í nóttinni eftir langa keyrslu þá leið honum eins og hann væri að koma heim. Jónas spurði hann þá: "And did you cry?" Svar Martin var einlægt og án þess að hika: "Yes."

Það verður gaman að fá að njóta nærveru hans þennan mánuðinn.

Lag dagsins er Who's gonna ride your wild horses með U2, en Martin er afar stoltur af því hversu mörgum finnst hann líkur Bono :)

Það er skemmtilegur "Bjarkar-fílingur" í rödd Bono í þessu lagi (4:11 - 4:16 mín) ... og það verður að segjast eins og er að það er enginn sem kemst upp með að syngja "hey-hey-sha la la" og halda kúlinu ... nema Bono.

Það er von

2007-08-23T18:31:00.000-07:00

When you try your best, but you don't succeed
When you get what you want, but not what you need
When you feel so tired, but you can't sleep
Stuck in reverse

And the tears come streaming down your face
When you lose something you can't replace
When you love someone, but it goes to waste
Could it be worse?

And high up above or down below
When you're too in love to let it go
But if you never try you'll never know
Just what you're worth

Lights will guide you home
And ignite your bones
And I will try
to fix you

Tímamót

2007-04-25T04:29:00.000-07:00

Jæja góðir hálsar!
Margt hefur gerst síðan síðast.

Helstu breytingarnar eru þær að ég mun hætta sem ein af hinum stórmerkilegu "Boxstelpum" 1.maí.
Það er með vissum trega sem ég kveð þetta ágæta starf, því að þeir sem þekkja til vita að GalleriBOX er eitt það allra flottasta og skemmtilegasta á landinu!!
Þetta er búið að vera gaman og erfitt en aðallega gaman :)
En nú er þessum kafla lokið og ég verð í ævarandi þökk fyrir að hafa kynnst þessum kjarnakonum sem BOXstelpurnar eru: Karen (hin ljúfa), Hanna Hlíf og Gitte - takk fyrir allt og allt! Lov'ya!

En enginn er ómissandi - maður kemur í manns stað segir máltækið og ég hvet alla til að fylgjast vel með BOXinu í framtíðinni ...

Nú, og hvað svo? Maður spyr sig.
Sumarið verður frábært! Lífið verður frábærara en frábært og framtíðin frábærust!
Svo útskrifast ég með mína blessuðu BA gráðu í júní ... íhaaaa ... og við tekur seinna árið í meistaranáminu. Bara bjart framundan held ég.

Ég er ekki komin með sumarvinnu og ég efast um að ég sækist mikið eftir því. Þreyta farin að segja til sín eftir erfið 4 ár í háskólanum, svo að sumar á bótum með börnunum hljómar alls ekki svo illa. Hreint ekki!

Önnur tímamót eiga sér líka stað - hann Eiríkur Arnar útskrifast 12.maí (júróvisjón/kosningadaginn) frá Listaháskólanum! Og það sem ég hef séð af lokaverkefnunum hans er snilld, svo ég hvet alla til að kíkja á útskriftasýninguna!

Og nú þarf að velja viðeigandi lag dagsins .... hugs hugs ... og vanda vel valið ... ahhh, búin að finna lagið!!! Hrikalega fyndið og mikið joy, joy :)
Pina Colada með Rupert Holmes. Og textinn ... maður lifandi!

I was tired of my lady,

We'd been together to long,

Like a warn out recording,

Of a favorite song.

So while she lay there sleeping,

I read the paper in bed,

And in the personal columns,

There was this letter I read.

"If you like Pina Colada's,

And getting caught in the rain,

If your not into yoga,

If you have half a brain,

If you like making love at midnight,

In the dunes on the cape,

Then I'm the love that you've looked for,

Write to me and escape."

I didn't think about my lady,

I know that sounds kinda mean,

But me and my old lady,

Had fallen into the same old dull routine,

So I wrote to the paper,

Took out a personal ad,

And though I'm nobody's poet,

I thought it wasn't half bad.

"Yes I like Pina Colada's,

And getting caught in the rain,

I'm not much into health food,

I am into champagne,

I've got to meet you by tomorrow noon,

And cut through all this red tape,

At a bar called O'Malley's,

Where we'll plan our escape."

So I waited with high hopes,

And she walked in the place,

I knew her smile in an instant,

I knew the curve of her face,

It was my own lovely lady,

And she said "Oh its you",

Then we laughed for a moment,

And I said "I never knew".

That you like Pina Coladas,

And getting caught in the rain,

And the feel of the ocean,

And the taste of champagne,

If you like making love at midnight,

In the dunes on the cape,

Your the lady I've looked for,

Come with me and escape.

Þvílíka schniiiillllldin ... maður verður bara endalaust glaður :D

Ég hugsa að þetta verði síðasta bloggfærslan mín.
Þakka þeim sem hlýddu.

Adieu!

Jesús ...

2007-04-12T08:58:00.000-07:00

... föstudagurinn 13. á morgun.

Held að ég nenni ekki að blogga meir ... er að hugsa málið ...

Lag dagsins Cannonball með Damien Rice ... aþþíbara ... líklega vegna þess að mig langar til Parísar 4. júlí og hann er með tónleika akkúrat þar og þá.

Síðar krókódíll!

Stundum ...

2007-03-27T08:24:00.000-07:00

... langar mig svo til að hlæja brjálæðislega.

Þetta er mjög undarleg tilfinning. Svona ofboðsleg "kitlitilfinning" sem fer um líkamann. Eins og straumur eða bergmál af hlátri. Það eina sem vantar er eitthvað til að taka tappann úr. Hleypa straumnum út. Triggera hláturkastið.

Hvað getur maður þá gert?

Nú, maður getur talað við fólk sem fær mann pottþétt til að hlæja óskaplega. En það er kannski ekki mögulegt og kannski óþarfa pressa á viðkomandi þar sem maður starir opinmynntur á hann eins og barn á þegjandi trúð ... just waiting for the punchline!

Þá er bara eitt til ráða.
Fara á netið!

Fara á Postsecret ... þar leynast gullmolar ... eins og þessi hér:

eða þessi hér:

og svo þessi:

Svo, ef allt klikkar þá er þetta sígilt og ábyggilega það allra fyndnasta sem ég hef séð! Ég hef fengið hláturskast í kirkju svo ég veit hvernig manninum líður ... fyrir utan það að hann hlær í beinni útsendingu.

Ahhh ... hláturinn lengir lífið.

Svo er eurovision hrikalega fyndið. Lag dagsins: framlag Þýskalands í þeirri mætu söngvakeppni er haldin var árið 1979.

Nóg að gera ...

2007-03-20T08:44:00.000-07:00

... er á kafi í vinnurétti ... hvernig skal gera ráðningarsamninga sem eru "skotheldir" og hvernig skal skrifa kurteisislegt hótunarbréf. Það er leikur að læra!

Hef varla neitt að segja - eða kannski of margt.
Lag dagsins: Black Cab með Jens Lekman ... gott lag ... og svo er hann algjört krútt.

Until later!

Mismæli ...

2007-03-14T08:59:00.000-07:00

... gotta lov'em!

Erum í vinnurétti núna (stéttarfélög, hagsmunasamtök fyrirtækja etc) og það er stuð!
Vorum að tala um skatta og tolla. Og það er ástæða bloggsins að þessu sinni ... mismælið átti sér stað einmitt í þeirri umræðu. Viðkomandi snéri þessu eitthvað aðeins við og sagði: "Að viðbættum sköllum og tottum" ... !!! ... hahahahahahaaaaaa

Hefði getað dáið!

Lag dagsins: My Sharona með The Knack ... gotta lov'it!

Það er sifjaréttur - ekki að syfja í réttum

2007-02-27T04:36:00.001-07:00

Það hefur gengið vel í skólanum so far. Engin föll og áföll á þessu vormisseri sem er nú rúmlega hálfnað. So far so good.

Nú erum við að stúdera sifja- og erfðarétt. Já, spennandi er það.
Stórmerkilegar spurningar sem hafa vaknað og mörgum spurningum hefur verið svarað - m.a.s. spurningum sem mér datt aldrei í hug að spyrja.

Nú veit ég hvað felst í því að vera giftur.
Og nú veit ég hver munurinn er á réttarstöðu þeirra sem eru í sambúð og þeirra sem eru í hjúskap. Og hann er ekkert lítill skal ég segja ykkur!

Svo er ég búin að lesa marga "nail-biting-finger-cracking-tear-dropping" dóma þar sem ljúfasta fólk breytist í vampírur þegar kemur að peningum og skilnaði.
Afbrýðisemi, reiði, hefnd og peningar ... deadly combination ...

... eins og þessi mynd hér fyrir ofan sýnir klárlega.

Lag dagsins túlkar viðfangsefni bloggsins að þessu sinni með ágætum ... You oughta know með Alanis Morissette. Bassinn í þessu lagi er alveg frábær, enda óhemja þarna á ferð sem kallar sig Fló (e. Flea). Hlakka til að sjá Sögu pikka upp lagið og plokka.

Nú, eitthvað pínu skemmtilegra í restina. Verð að láta eftirfarandi vitnisburð fljóta með (lögmaður og vitni) ... glöggir lesendur munu sjá að umræddur vitnisburður fór ekki fram hér á landi.

Q: Doctor, before you performed the autopsy, did you check for a pulse?
A: No.
Q: Did you check for blood pressure?
A: No.
Q: Did you check for breathing?
A: No.
Q: So, then it is possible that the patient was alive when you began the autopsy?
A: No.
Q: How can you be so sure, Doctor?
A: Because his brain was sitting on my desk in a jar.
Q: But could the patient have still been alive nevertheless?
A: It is possible that he could have been alive and practicing law somewhere.

Tíhí ...

Sumir dagar ...

2007-02-21T13:44:00.000-07:00

... eru öðruvísi en aðrir dagar.

Sumir dagar eru einfaldlega þarna til þess að anda inn og svo út.
Sumir dagar eru þarna til að horfa á fjöllin, hafið, himininn og inn á við.
Sumir dagar eru bara.

Lag svoleiðis dags er The sun's gone dim and the sky's turned black ... algjör fegurð.

Og hér er ég ... still alive

2007-02-20T08:30:00.000-07:00

Ég er búin að klára "Stjórnskipunarréttinn" ... hehehe ... fór í munnlegt próf sl. fimmtudag ... hehehe ... but, enough about that!
Er byrjuð í nýjum áfanga sem er hreinlega óhemjuheillandi (hóst) en hann nefnist "Sifjaréttur" og fjallar um hjúskaparlögin, erfðalögin and all those beautiful things baby (hóst ... hóst ) og er alls ekki eins fráhrindandi og þurr og hann hljómar (hóst ... hóst ... get svarið að ég hóstaði ryki og mölflugum þarna!)

Er búin að komast að því að til eru lög um horfna menn ... það vissi ég ekki áður! Alltaf að læra!
Nú veit ég hvaða skilyrði þurfa að vera fyrir hendi ef ég vil ganga í hjónaband:

ég þarf að vera 18 ára (toppa það léttilega)
ef ég verð svipt lögræði þá verð ég að fá samþykki lögráðamanns til að stofna til hjúskapar (no problem there)
ég má ekki giftast pabba, afa, bróður mínum og það væri frekar illa séð ef ég giftist hálfbróður mínum ef ég ætti slíkan (definitely NO problem there!)
ef ég væri ættleidd þá mætti ég ekki giftast kjörforeldri nema ættleiðingin sé niðurfelld (OMG ... vil ekki hugsa um það einu sinni)
ef ég er gift - þá má ég ekki gifta mig öðrum líka (hmmm ... einhver sagði að mesta refsing tvíkvænis væru tvær tengdamömmur ... )

Jebb ... þannig að það ætti ekkert að standa í vegi fyrir hjónabandi. Þá veit ég það.

Smá stuð í lokin - lag dagsins er Grace Kelly með Mika ... strákarnir í lagadeildinni syngja þetta daginn út og inn ... og þeir eru alvarlega að spá í að fá sér eins þröngar buxur og Mika til að ná háu tónunum. Can't wait to see that!

Opnun í BOXinu á laugardaginn - Kristín Helga sýnir

2007-02-09T09:11:00.000-07:00

Kristín Helga Káradóttir opnar laugardaginn 10. feb. kl. 16:00 í GalleriBOX á Akureyri sýningu á verki sem hún nefnir "At Quality Street" eða "Við Gæðagötu".
Allir velkomnir, grænmetisveisla að venju!

Um sýninguna
Um langt skeið hafa Íslendingum borist margvíslegir Mackintosh (QualityStreet) sælgætismolar í skrautlegum dósum með mynd af hermanni og hefðarkonu í búningum fyrri tíðar. Þetta var hið klassíska "spari-sælgæti"margra. Fjölskyldan átti sérstakar gæðastundir þegar Mackintosh-konfekt var á boðstólnum og hver og einn seildist eftir sínum uppáhalds mola. Og konfekt þetta er enn vinsælt.

Við Gæðagötu Kristínar Helgu ber ýmislegt á góma sem minnir á þessaMackintosh-hefð okkar Íslendinga en jafnframt er skyggnst inn í heim barna í Afríku þar sem listaskonan var við störf. Hvítklæddur trúður leikur listir sínar með gamlar Mackintosh-dósir og kunnugleg fröken hringsnýst við tónlist eftir Bjarna Guðmann Jónsson. Sýningin felur í sér fortíðarþrá en einnig brennandi spurningu um gæði og fáránleika tilverunnar.

Sýningin er opin laugardaga og sunnudaga frá 14-17 og stendur til 3. mars.

Kristín Helga Káradóttir lauk námi í myndlist frá Listaháskóla Íslands árið 2004.
Hún hefur haldið nokkrar einkasýningar, m.a. fyrir skömmu í Listasafni ASÍ í Reykjavík.
Kristín Helga hlaut nýlega styrk úr Listasjóði Dungal og Minningarsjóði Margrétar Björgólfsdóttur.

CV Kristínar er að finna á www.galleribox.blogspot.com/

Lag dagsins: Germany to Germany með Ratatat ... það er svo erfitt að vera með instrumental tónlist á heilanum ... virkilega erfitt.

Hvað ef ... ?

2007-02-07T12:05:00.000-07:00

Hvað ef að maður færi allt í einu að sýna undarlegar skapgerðarbreytingar?
Hvað ef að ég myndi allt í einu gera hluti sem ég er ekki vön að gera? Segja hluti sem ég segi aldrei og dytti vanalega aldrei í hug að segja.

Hvað ef að ég væri stödd í röð við kassa í Hagkaup með fulla körfu og tifandi gamalmenni með harðfisk og smjör spyrði hvort það mætti vera á undan mér og ég myndi segja: Haltu kjafti kjeellling og pillaðu þér aftast í röðina!

Hvað ef að ég væri að ganga upp Gilið hér á Akureyri og fótbolti kæmi rúllandi og í órafjarlægð sæi ég unglingsstrák koma hlaupandi á eftir með angistarblik í auga. Boltinn rúllaði í átt að mér og stefnir út í sjó ef ekkert er að gert. Og ég færi mig til hliðar til að vera ekki fyrir honum.

Hvað ef að vinkona myndi hringja grátandi vegna þess að allt er gjaldfallið, yfirdráttur óheyrilegur, hún liggur í flensu með útbrot og niðurgang og klósettpappírinn búinn. Og ég heyri bara annað hvert orð því að Boston Legal er í sjónvarpinu og poppið er alveg að verða tilbúið svo ég slekk bara á símanum og segi henni svo á morgun að síminn hafi bara drepist og ég ekki vitað um hleðslutækið.

Hvað ef ... það er spurning. Væri ég þá í rauninni ég? Eða væri ég kannski ég ... með fullt rassgat af peningum eftir að hafa traðkað á öllum sem fyrir mér væru og ætti heima í New York þar sem öllum er sama um alla? Ég spyr því: Am I my brother's keeper?

Æ, ég er bara fegin að vera bara ég. Að vera ekki skítsama um náungann og eiga heima á eyrinni sem kennd er við akur.

Ætla að enda þessa hugleiðingu á ljúfu nótunum. Hér er ofurfallegur grænlenskur málsháttur sem ætti að stappa stálinu í alla allsstaðar:
Þegar þú hefur gengið svo langt að þér er lífsins ómögulegt að stíga eitt skref enn, þá hefurðu farið hálfa þá leið sem þú getur.

Lag dagsins er Always look on the bright side of life ... en ekki hvað?
"Life's a piece of shit, When you look at it, Life's a laugh and death's a joke, it's true " ... hahahahaha ... smá stílbrot, en þetta er bara oooof fyndið ... hahahahaha!

Dagurinn í dag er góður dagur

2007-02-02T10:14:00.000-07:00

Hvað eiga Shakira, Farrah Fawcett og Jónas Viðar sameiginlegt?

Fyrir utan það augljósa auðvitað ... að vera með afbrigðum áberandi og falleg og vekja athygli hvar sem þau stíga fæti sínum niður?

Jú, þau eiga öll afmæli í dag!

Til hamingju elsku kallinn minn! Vona að aldurinn fari jafn mjúkum höndum um þig og hana Farrah vinkonu þína.

Jæja - enn ein helgin runnin upp. Janúar farinn og febrúar kominn og það tiltölulega átakalaust. Framundan er gleðin ein. Spurning að vera bara í rólegheitum um helgina og lesa fyrir hinn stórskemmtilega áfanga sem ég er í.

Var samt að hugsa um að skella mér á tónleika annað kvöld - Pétur Ben spilar á Græna hattinum.

Lag dagsins er í nákvæmlega engu samhengi við það sem ég skrifa í dag.

Lagið er frábært og óþolandi á sama tíma. Þetta er lagið sem ég fæ alltaf reglulega á heilann. Og við erum að tala um reglulega ... að meðaltali 1. í mánuði síðan ég var 8 ára ... samtals 288 sinnum! Lagið er Mickey með Toni Basil ... one hit wonder!

Frábært lag fyrir helgina!

Hvað fékk Zidane til að snappa?

2007-01-28T13:57:00.000-07:00

hhhhaaaahahahhahaaaahahahahaha .... hahahahaaaaaaaahahaahahhaa

Halldór er snillingur!!

Lag dagsins: Meds með Placebo

Passaðu þig heimur ... hér koma BOXstelpurnar!

2007-01-27T12:58:00.000-07:00

Og hér erum við ... BOXgellurnar ... æðislegar þó ég segi sjálf frá. Viðtalið við skvísurnar (ég var fyrir sunnan) birtist í fréttablaðinu þann 24. janúar en það er líka að finna á visir.is

Enn ein snilldin sem ég rakst á á netinu.

Síðan heitir FOUND og er dásamleg að mínu mati. Ég hef alltaf verið hrifin af PostSecret (linkurinn hér til hliðar) þar sem fólk sendir inn leyndarmálin sín. Fékk báðar bækurnar í jólagjöf frá mínum ástkæra ... sem þekkir mig svo vel.

Þessi síða, FOUND, virkar þannig að fólk sendir inn miða sem það finnur á ólíklegustu stöðum. Miða sem fólk hefur hripað ýmsar athugasemdir á, hvað það ætlar að kaupa, gera, borða, segja ... allt. Svo tapar fólkið miðunum eða hendir - og svo enda þeir á þessari síðu.

Mér finnst þetta fallegt. Beauty is in the eye of the beholder ... er það ekki orðað þannig annars?

Lag dagsins er District Sleeps Alone Tonight með The Postal Service ... þetta er fyrsta lagið á fyrsta diskinum sem kærastinn minn brenndi fyrir mig þegar ég var að fara að keyra norður eftir fyrstu helgina okkar saman. Ég fæ ennþá fiðrildi í magann þegar ég heyri fyrstu tónana.

Jæja - farin að horfa á Júróvisjón ... það þarf að vera slakt í kvöld til þess eins að toppa frammistöðuna síðast ... trúi ekki að svo illa fari.

Áfanga lokið og nýr tekur við

2007-01-26T15:41:00.000-07:00

Kláraði sakamálarétt í dag með prófi sem stóð yfir í 3 klukkutíma. Er sátt, en þori ekki að segja neitt um hvernig mér gekk. Byrja í nýjum áfanga strax á mánudag sem ber hið þjála heiti "Stjórnskipunarréttur" og kennarinn er enginn annar en Ragnar Aðalsteinsson mannréttindaofurlögfræðingur. Spennandi tímar framundan ... og þarf að lesa 2000 bls. fyrir mánudag ... spennandi er kannski ekki alveg rétta orðið.

Á morgun er skólaskemmtun/árshátíð Oddeyrarskóla. Dóttir mín leikur í skólaleikriti 6.bekkjar. Skilst á henni að hún geri nú ekki mikið, en ég hlakka til að sjá hana liggja á sviðinu, standa upp og hlaupa út. Gerir það ábyggilega með miklum tilþrifum og vinnur án efa leiksigur.

Kyrrlátt kvöld við Eyjafjörð, sakna samt hans sem ekki er hjá mér.

Lag dagsins er Out on the Weekend sem er bara viðeigandi ekki satt? Lagið er með Neil Young ... in concert! Hér sést hversu mikill nagli Njáll Ungi var hér á árum áður. Usss! Þetta er tekið upp árið 1971 skilst mér - áður en platan Harvest kom út. Þetta lag er fyrir þig, Ragnar ... og okkur hin líka ... en aðallega fyrir þig samt.

Þetta var góður dagur.

"I'm bored with it all"

2007-01-24T15:54:00.000-07:00

Þetta voru hinstu orð Winson Churchill (f.1874), forsætisráðherra Breta og Nóbelshafa í bókmenntum, sem lést þennan dag árið 1965.

Fann þetta á blogginu hans Hrafns og fannst fyndið - ákvað að hafa þetta á mínu bloggi líka ... hei, er á kafi í próflestri og get ekki verið að blogga upp úr sjálfri mér endalaust ... (hóst)

Lag dagsins: Death is not the end með Nick Cave, Kylie Minogue og söngvara the Pogues ... undarlegasta tríó sögunnar!

Verkefni, Manet og módelstörf

2007-01-23T12:42:00.000-07:00

There is only one true thing: instantly paintwhat you see. When you've got it, you've got it. When you haven't, you begin again. All the rest is humbug.
- Edouard Manet

Edouard Manet hefði orðið 175 ára í dag, hvorki meira né minna. Myndin hér að ofan er eitt af hans frægustu verkum ... gott ef ekki það frægasta bara.

Annað afmælisbarn er Kata sæta ... hún er töluvert yngri, eða sex ára.

Dagurinn í dag var þéttur.

Var eiginlega á þeysispretti í allan heila dag. Var að vinna í verkefni í sakamálaréttaráfanganum sem fer senn að ljúka. Skemmst frá að segja, þá kláruðum við þetta (ég og Þór Hauksson Reykdal snillingur) tímanlega til að skila því ... 14 blaðsíðna verkefni, takk fyrir. Og við vorum ekki með það lengsta.

Skaust í miðju verkefni niður í BOX að hitta hinar BOXpæjurnar ... og sitja fyrir eins og ANTMgella (ANTM=America´s next top model). Believe me - it is hard work! Sem betur fer brast engin í grát, ekkert bólaði á rifrildi og baktali og svo var Miss Tyra víðsfjarri.

Skvísurnar voru nefnilega í blaðaviðtali um helgina - ég var fyrir sunnan - og ljósmyndarinn kom í dag til að taka mynd sem á að fylgja með.

Spennandi verður að sjá ...

Fór svo í skólann aftur og kláraði verkefnið. Fór í bassatíma með dóttur minni. Fór í Bónus. Eldaði kvöldmat. Og er að sofna núna.

Ætla að slappa svaaaakalega af í kvöld.

Svo er próflestur á morgun og hinn og svo próf badabing!

Lag dagsins ... hmm ... látum okkur nú sjá ... Starlight með Muse. Það er bara fínt!

Góða nótt!

Afmælisbarn dagsins

2007-01-22T10:01:00.000-07:00

Þess ber að geta að Michael Hutchence hefði orðið 47 ára í dag ... blessaður garmurinn. Hann var einusinni söngvari INXS, en nú er annar kominn í hans stað (síðast þegar ég vissi).

Í rauninni ber hann Michael ábyrgðina á því að Rockstar dæmið fór af stað - því ef að hann hefði ekki dáið, þá hefði INXS ekki farið út í örvæntinguna að taka þátt í raunveruleikaþættinum Rockstar:INXS, og þá hefði Rockstar aldrei orðið vinsælt, og þá hefði Rockstar:Supernova aldrei orðið að veruleika, og þá hefði Magni aldrei farið utan að keppa, og þá væri hann sæll heimilisfaðir að elda hafragraut fyrir son sinn og að knúsa konuna sína núna.
Jahérna!

Þarna er líklega svarið komið við spurningunni "hvað gerðist hjá Eyrúnu og Magna?" - svarið er: Michael Hutchence dó.

Lag dagsins: Need you tonight með INXS.

Busi Bandóðríkjaforseti

2007-01-18T10:29:00.000-07:00

Titill bloggsins er tilvísun í mótmælanda Íslands a.k.a. Helgi Hóseasson.

Eiríkur Arnar benti mér á viðtal við hann í Fréttablaðinu ... snilldarkall hann Helgi ... já, og Eiríkur líka.

Í framhaldi af því langar mig til að deila með ykkur smá hugleiðingu sem komin er frá snilldar stúlku (bloggara) í Írak. Ég hvet alla ... ALLA ... til að lesa þetta blogg hennar.

Ég rakst á það fyrir helbera tilviljun fyrir ca. 2-3 árum og hef ekki hætt að lesa það. Óhætt er að segja að þetta blogg hennar hefur breytt mér. Fordómar og fyrirframgefnar skoðanir var mitt fyrsta sjokk ... ég komst að því að ég var með bæði. Sjokk númer tvö ... djöfull höfum við það nú gott hér á Íslandi.

Vonandi mun ég geta bætt mig sem manneskja í þessum heimi. Þetta blogg er hluti af þeirri vinnu.

Eftirfarandi skrifaði stelpan frá Írak þann 29. desember 2006:

End of Another Year...

You know your country is in trouble when:

The UN has to open a special branch just to keep track of the chaos and bloodshed, UNAMI.

Abovementioned branch cannot be run from your country.

The politicians who worked to put your country in this sorry state can no longer be found inside of, or anywhere near, its borders.

The only thing the US and Iran can agree about is the deteriorating state of your nation.

An 8-year war and 13-year blockade are looking like the country's 'Golden Years'.

Your country is purportedly 'selling' 2 million barrels of oil a day, but you are standing in line for 4 hours for black market gasoline for the generator.

For every 5 hours of no electricity, you get one hour of public electricity and then the government announces it's going to cut back on providing that hour.

Politicians who supported the war spend tv time debating whether it is 'sectarian bloodshed' or 'civil war'.

People consider themselves lucky if they can actually identify the corpse of the relative that's been missing for two weeks.

Ég komst svo að því að það á að gera mynd um þessa stúlku ... ástæðan: bloggið hennar!

Þessi stúlka er Anna Frank nútímans ... vonum þó að endirinn verði jákvæðari.

Lag dagsins: Blowin' in the Wind með Bob Dylan.

P.s. setti nokkra linka hér til hliðar ... blogg um Írak, frá Írak, ómengað og milliliðalaust.

Herregud!

2007-01-17T11:18:00.000-07:00

Allt gott að frétta héðan.
Er að hamast við að klára verkefni í sakamálarétti ... mjög spennandi by the way ... áður en ég dríf mig suður. Fer á föstudaginn. Bið um gott veður og betra skyggni.

Er að komast að því að tónlistarsmekkur minn var hreinasta hörmung þegar ég var táningur. Algjör froða. En dásamleg froða. Svooo gaman að rekast á "gömul" (því aldur er afstæður!) lög og myndbönd frá þessum tíma. Lög sem ég vissi ekki að ég hafði hleypt inn í heilabú mitt ... og eru þar í hýði. Skelfilegt að kunna textann samt ... waste of valuable space, I must say.

Lag dagsins verður því að vera eitt slíkt. Svona til heiðurs þeim tíma.
Ég var ca. 11 ára þegar lag dagsins varð vinsælt. Dóttir mín er 11 ára. Hún er með ögn þróaðri tónlistarsmekk en ég var með, hún hlustar á eiginlega allt: Pink, Metallica, Red Hot Chili Peppers, The Killers, U2, Gorillaz ... hmm ... ég hlustaði aðallega á WHAM!
Einstakur klæðnaður, einstakur stíll, hár ... hárhárhár, special effects í myndböndum koma sterkir inn þarna: Modern Talking með lagið You're my heart, You're my soul ... for crying out loud!!

Jæja, ekki til setunnar boðið ... sakamál bíður.

Well done!

2007-01-16T08:47:00.000-07:00

Fyrirsögn bloggsins að þessu sinni hefur tvíræða merkingu.

Það væri hægt að líta á hana sem fullyrðingu eða jafnvel hrós fyrir eitthvað sem er vel gert ... sem væri mjög æskilegt og eftirsóknarvert. En í rauninni er þetta bara vísun í steikingaraðferð á kjöti ... sem á vel við, þar sem ég er frekar well done þessa dagana.

Dreymdi í nótt að ég væri stödd í fljúgandi flutningagám - bláum svona týpískum eimskipsgám. Þarna var ég, í hvínandi roki, á fleygiferð ... í gámnum. Honum var stjórnað með stýripinna sem stóð uppúr gólfinu. Tek það fram að ég stjórnaði ekki förinni heldur stóð þarna sem farþegi. Ég sá út um rifu á gólfinu að við flugum yfir ævintýralegt landslag - dalir og fjöll, fallegir litir, gróður og blóm - í gríðarlegri lofthæð. Svo var lent í einum dalnum, á þúfu. Við fórum út og þá sé ég hver einn ferðafélagi minn er: hver annar en .... Magni-ficent!

Og ég stíg út úr gámnum og sé að allt er þakið sinu, en undir sinunni er allt fullt af músum. Ógeð!

Hmmm ... hvað ætli þetta þýði nú allt saman?

Kannski er hægt að útskýra músaganginn, þar sem ég fór í bústaðinn okkar um daginn og tók eftir músaskít þar og hafði af því miklar áhyggjur.

Kannski er hægt að útskýra Magna-dæmið, þar sem ég er sífellt - dag sem dimma nátt - að velta fyrir mér "Hvað gerðist hjá Magna og Eyrúnu?" svo að jaðrar við þráhyggju ... spyrjið bara Eirík.

Hahahaha ... ég veit, ég veit ... get a life :)

Anyhuw ... vel steikt er rétta orðið yfir mig núna.

Nú! Listalífið blómstrar þessa dagana hér á Akureyri. Mýmargar opnanir um síðustu helgi alls fjórar á einum og sama deginum með klukkustundar millibili.

Fínasta sýning á Café Karólínu hjá Jónu Hlíf og Önnu, þýsku vinkonu hennar

Og hér eru þessar elskur:

Svo var opnun í Listasafni Akureyrar - Jón Óskar opnaði þar yfirlitssýningu. Mjög áhugaverð sýning og margt um manninn.

GalleríBOX gaf ekkert eftir og opnaði klukkustund síðar með sýningu Alex Gross. Og auðvitað var snilldarmatur A la Hanna Hlíf og fullt af fólki.

Svo voru stelpurnar með opnun í DaLí gallerí þar sem listamaðurinn Steini hvetur alla til hugvekju.

Semsagt fullt að gera um síðustu helgi í menningarlífinu. Gaman gaman!

Lag dagsins er hvorki meira né minna en Colours með Hot Chip ... hví? Finnst það flott!

Minning um feðga ... smá fróðleikur

2007-01-15T16:54:00.000-07:00

Timothy Charles Buckley III, betur þekktur sem Tim Buckley
- fæddist á Valentínusardag árið 1947
- gaf út sína fyrstu plötu 19 ára gamall
- var með raddsvið sem spannaði yfir 5 áttundir
- hann fór aldrei í tónlistarskóla, lærði aldrei söng og hafði brotnað illa á vísifingri vinstri handar svo hann gat aldrei spilað þvergrip á gítarinn
- var flokkaður sem þjóðlagasöngvari, en ekki eru allir sáttir við þá flokkun þar sem stíll hans var margbreytilegur og hann vildi ekki festa sig í einu fari
- hann gaf út 9 plötur vinsælust þeirra er Goodbye And Hello sem kom út 1967
- lög hans endurspegluðu mörg hver skoðun hans á pólitíkinni og

samfélaginu sem hann var hluti af
- lagið "Dream Letter" samdi hann sérstaklega fyrir son sinn, Jeffrey Scott
- hann var stöðugt að þróa sinn stíl og sérstaklega raddbeitinguna en hann gat á þeim tíma haldið tóni lengur og með meiri styrk en nokkur annar poppsöngvari
- tilraunir hans leiddu til þess að aðdáendum fór fækkandi þar sem ekki var skilningur fyrir því sem hann var að gera - hann féll úr náðinni
- hann gaf út nokkrar plötur til viðbótar en náði ekki fyrri frægð
- hann lést aðeins 28 ára gamall af völdum ofneyslu fíkniefna

Jeffrey Scott Buckley, eða Jeff Buckley
- fæddist 17. nóvember 1966
- hann ólst upp hjá móður sinni Mary Guibert og fósturföður Ron Moorhead
- gekk undir nafninu Scottie Moorhead í æsku
- hitti föður sinn, Tim Buckley, í fyrsta og eina skiptið 8 ára gamall
- ákvað að taka upp föðurnafnið í framhaldi af því
- hann flutti 18 ára gamall til Los Angeles og stundaði þar tónlistarnám
- hann söng fyrst opinberlega fyrir mikinn fjölda á "tribute" tónleikum Tim Buckley árið 1991 þar sem hann söng til heiðurs minningu föður síns
- hann steig þá á svið "This is not a springboard, this is something very personal"
- hann var líkt og faðir hans þekktur fyrir gríðarlega breitt raddsvið
- 1993 gaf hann út 4 laga skífu sem bar nafnið Live at Sin-é
- hann gaf út sína fyrstu breiðskífu Grace árið 1994
- gagnrýnendur héldu vart vatni yfir hæfileikunum hans
- hann var á tónleikaferðalagi í 2 ár eftir útgáfuna
- árið 1996 hóf hann að vinna að annarri breiðskífu sinni My sweetheart the Drunk
- hann náði aldrei að klára hana
- hann drukknaði í Mississippiánni 29. maí 1997 aðeins þrítugur að aldri

Ýmislegt áttu þeir sameiginlegt ... og fallegir voru þeir

Lög dagsins:

Dolphins með Tim Buckley

Last Goodbye með Jeff Buckley

Gleðileg jól og farsælt komandi ár, kveðja Tinna.

2006-12-29T10:51:00.000-07:00

Gleðileg jól heimur og allir sem í honum búa!
Ég vil þakka öllum sem sendu mér jólakort ... úthald ykkar er aðdáunarvert í ljósi þess að þið fáið engin jólakort frá mér. Ef ég skrifa jólakort, þá gleymi ég að senda þau. Á töluvert magn af fínum jólakortum frá árunum 2000 - 2004 með frímerkjum og allt ... hætti að skrifa þau eftir það.
En hugur minn er samt sem áður hjá ykkur öllum um jólin sem endranær.

Það eru breytingar í lofti. Vindurinn boðar hamskipti á nýju ári. Ný sjónarmið. Ný afstaða. Árið 2007 verður forvitnilegt.

Lag dagsins er Here it goes again með Ok Go.
Hvers vegna? Jú, því að árið er að fara ... og svo eru áramótin framundan með öllum sínum nýársheitum og það vinsælasta (samkvæmt Vikunni - og ekki lýgur hún) er að stunda meiri líkamsrækt á komandi ári.
Myndbandið sýnir hvernig ég verð á Bjargi í janúar.
Hver segir að líkamsrækt sé ekki skemmtileg!! Nú er bara að sjá hvort þetta vekji nokkuð úlfúð og hatur hjá hinum líkamsræktariðkendunum.

Jólalög ... can't live with them, can't live without them

2006-12-18T16:18:00.000-07:00

Ég er mjög sátt við að jólin eru að koma. Get m.a.s. verið heilmikið jólabarn í mér stundum. En ... það er alltaf "en" ... það eru vissir hlutir sem ég get bara ekki vanist. Og það eru sum jólalög.

Jólalög eru æði! Jólalög eru hryllingur!
Það er fátt sem kemur mér í eins mikið jólaskap og gott jólalag. Og fátt sem gerir mig eins pirrrrrraða og vont jólalag.

Því vil ég gera Topp 5 lista yfir verstu og bestu jólalögin hér og nú!

Verst:

Snjókorn falla - Laddi (plís .... plís plís plís plís hætta að spila þetta!)
Ef ég nenni - Helgi Björns (hvernig getur orðið "nenni" verið jólalegt? Svo er þetta hörmuleg nýting á lagi sem er ekkert jólalag!)
Það er alveg dagsatt - Hemmi Gunn og Dengsi (jesús ... er orðlaus!)
Tómatsósujólahryllingur - Helga Möller (hva ... hve ... tja ... ma ... gefst upp!)
Vildi að alla daga væru jól - Eiríkur Hauksson (ég tárast ... því ég fæ það alltaf á heilann)

Best:

Helga natt - Jussi Björling (tárast yfir fegurðinni í þetta skiptið ... jólin koma bara ekki nema ég heyri þetta!)
Hin fyrstu jól - Ingibjörg Þorbergs (hið fullkomna jólalag!)
Nóttin var sú ágæt ein - eftir Einar úr Heydölum (jól jól jól!)
Jólakötturinn - Björk Guðmunds (úhúhú ... var svo glöð að lenda ekki í honum)
Yfir fannhvíta jörð - Pálmi Gunnars (sé bara mömmu fyrir mér ... og þá eru jólin að koma)

Komst reyndar að því að það er varla hægt að stoppa í 5.
Þau eru svo mörg vond (Nei, nei ekki um jólin, Svon'eru jólin, Skrámur, Jólahjól etc.) og svo mörg góð (Það á að gefa börnum brauð, Heims um ból, Ave Maria etc.) en þetta verður að duga að sinni. Get ekki meir!

Lag dagsins er ... jah ... látum okkur sjá ... bara The Name of the Game með ABBA!

Opnun í BOXinu, Lay Low ... og kærastinn!

2006-12-15T17:00:00.000-07:00

OK.
Það er opnun í BOXinu í dag kl. 15. Hún Tobba (Frúin í Hamborg) ætlar að sýna hjá okkur. Held að það sé aðeins þennan eina dag... svo það er eins gott að drífa sig bara og njóta alls hins besta sem lífið hefur upp á að bjóða þennan daginn.

Nú, ég ætla að fara á tónleika á Græna hattinum í kvöld - Lay Low og Ívar Bjarklind galdra fram tóna. Ætla að fara með Björk (sætu frænku minni), Jóni Baldvin (sæta manninum hennar) og ef allt gengur að óskum .... Eiríki Arnari (sæta manninum mínum)!
Já, svei mér ef biðinni fer ekki að ljúka ... maður segir bara jeii!

Lag dagsins er því Please don't hate me með Lay Low.

Já ... og hvað svo?

2006-12-13T16:28:00.000-07:00

Jamm, ég er búin í prófum. Þessu er lokið í bili. Enough said.

Var að hugsa um hvað ég ætti að skrifa um hérna. Nenni ekki að skrifa um það sem ég á eftir að gera fyrir jólin ... enda ekkert skemmtilegt að lesa það ... geri mér fulla grein fyrir því.

Sooo ... enough about me, what about you, what do you say?
Jú, ég var einmitt líka að velta fyrir mér ýmiskonar stafabrengli, orðaklúðri, málsháttamisþyrmingum og almennu málhelti.

Man eftir mínu fyrsta munnlega stafabrengli.
Ég var ca. 8 ára og var að bíða eftir lyftu í stórri blokk. Tók fljótlega eftir því að lyftan var biluð. Svo ég stóð bara þarna. Ein. Og var að spá í hvort ég ætti að nenna að labba upp á 5. hæð.
Þá kemur inn gamall maður og ýtir á takkann - og ræski mig og segi hátt og skýrt: Byltan er lifuð!

Skemmtilegt!

Það þekkja allir þessa klassísku eins og: "við sýndum þeim sko hver ríður rækjum hér" (Ingólfur Hannesson íþróttafréttamaður) og "Flasa Voladóttir sigraði í stangastökki ..." (Karl Garðarsson fréttamaður).

Ónafngreind og afar kær vinkona mín sagði (í hita hins magnþrungna leiks Kana): "Þú ætlar þó ekki að henda leggjum á konu" ... en ætlaði auðvitað að segja "leggja hendur á konu".

Önnur elskuleg vinkona hafði einhverjar áhyggjur af ástandinu í bænum um helgar og sagði að lögreglumennirnir "hlytu að naga bökin á hvor öðrum yfir þessu öllu".

Ahhh ... fátt sem toppar þetta. Nema kannski konan fyrir austan sem "dorgaði fyrir framan sjónvarpið og lá svo andvana alla nóttina" .... hahahahaha ... hlæ ennþá að þessu!

Anyhow ... lag dagsins kom til mín í draumi. Hinum ameríska draumi um hver gæti orðið bestur í dansi. Var að horfa á enn einn raunveruleikaþáttinn (já - ég veit, ég veit, en þeir eru "roadkill" í mínum huga - ætla ekki að horfa en get ekki annað!) og í þessum þætti var ég minnt á þetta líka æðislega lag! Svo það var einhver tilgangur með þessu öllu.

Flytjandinn er Róisín Murphy (Moloko-pæjan hér til hliðar) og hún er bara ótrúleg. Ákvað að hafa bara mynd af henni þar sem ég fann ekkert myndband. Lagið heitir því einfalda nafni Ramalama (Bang Bang). Hrikalega hrikalega hrikalega flott lag!!!

See'ya!

Kommur skipta máli

2006-12-10T06:04:00.000-07:00

Ég hef lært margt og mikið á þeim rúmu 3 árum sem ég hef verið að nema lögfræði.
Eitt af því er mikilvægi kommunnar.
Komman virðist, fljótt á litið, ekki vera einn af mikilvægustu þáttunum þegar setning er skrifuð ... en þegar litið er nánar á málið, þá kemur í ljós að hún skiptir í rauninn gríðarlega miklu máli þegar kemur að túlkun á innihaldi setningar. Gott ef hún skiptir ekki bara öllu máli.
Hér er eitt lítið dæmi sem Rachael Johnstone, kennari minn á 1.ári í lögfræði (aka. hríðskotabyssan, því hún talar svo hratt) setti fram þessu til rökstuðnings:

A woman without her man is nothing.
A woman, without her, man is nothing.

I rest my case.

Lag dagsins er Grasi vaxin göng með MÚM.
Þetta lag er fyrir alla þá sem elska Ísland, sakna Íslands og líka þá sem "þola ekki helvítis skerið".
Frábær "þerapía".
Dásamlegt lag.

Opnun í BOXinu kl.14

2006-12-09T04:49:00.000-07:00

Jæja, þetta verður stutt færsla í dag.

Kristín Gunnlaugs opnar hjá okkur í BOXinu í dag kl.14
Yndislegur drykkur í boði í tilefni dagsins (Gitte og Karen galdrameistarar töfra fram göróttan drykk)
Próf í eignarrétti á þriðjudag (taumlaus gleði í 4 klst.)
Ætla að lesa í dag, á morgun og mánudag (s.s. blaða stjórnlaust í gegnum bunkann)
Fer í prófið (bið bænirnar mínar)
Fell á prófinu (bið bænirnar mínar)
Upptökupróf í maí (langt þangað til)
Gleðin tekur völd (að eilífu ... amen)

Lag dagsins er frábært lag. Ég féll a.m.k. strax fyrir því. Það heitir Young Folks og er með Peter, Bjorn & John.

Later!

Undarlegur dagur í dag

2006-12-08T06:15:00.000-07:00

Það er undarlegt veður, undarleg birta og undarleg stemning í loftinu.
Og þegar ég segi orðið "undarlegt" svona oft þá finnst mér sjálft orðið vera undarlegt. Undarlegt ekki satt?

Ákvað að hafa smá sýnishorn af listinni hennar Kristínar Gunnlaugs - sem sýnir hjá okkur í BOXinu á morgun. Við ætlum að opna kl.14 ... svo þú mætir bara og hefur það gott með okkur.
Ég var einmitt að ná í verkið sem hún sýnir ... hef sjaldan verið eins taugaveikluð í umferðinni. Bílar eins og beljur á svelli í dag. Varð einstaklega fegin þegar ég náði að koma verkinu í BOXið með mínum dygga aðstoðarmanni (mömmu sætu).

Þá er það lag dagsins.
Þetta lag lýsir í smæstu smáatriðum líðan minni í dag.
Og textinn ... hreinlega hugarástand mitt í hnitmiðuðu formi!
Einstakt lag. Einstakir flytjendur.

Handfrjáls búnaður model 101

2006-12-07T12:29:00.000-07:00

Spurning um að redda sér svona bara.

Lag dagsins Call me með Blondie.

Er þetta ást?

2006-12-06T15:17:00.000-07:00

"Já, fögur ertu, vina mín, já, fögur ertu. Augu þín eru dúfuaugu fyrir innan skýluraufina. Hár þitt er eins og geitahjörð, sem rennur niður Gíleaðfjall.
Tennur þínar eru eins og hópur af nýklipptum ám, sem koma af sundi, sem allar eru tvílembdar og engin lamblaus meðal þeirra.
Varir þínar eru eins og skarlatsband og munnur þinn yndislegur. Vangi þinn er eins og kinn á granatepli út um skýluraufina.
Háls þinn er eins og Davíðsturn, reistur fyrir hernumin vopn. Þúsund skildir hanga á honum, allar törgur kappanna.
Brjóst þín eru eins og tveir rádýrskálfar, skóggeitar-tvíburar, sem eru á beit meðal liljanna.
Þar til kular af degi og skuggarnir flýja, vil ég ganga til myrruhólsins og til reykelsishæðarinnar."

... frábær lýsing á ástkonu, ekki satt? Og síðasta setningin ... þetta verður ekki mikið betra!
Sá sem veit hvaðan þetta kemur á skilið klapp og vísa vist í himnaríki.

Lag dagsins er með mesta krútti veraldar. Hún heitir Stina Nordenstam og lagið er Little Star. Þessi kona mjálmar og malar ... og lagið er dásamlegt.

Opnun í BOXinu á laugardag!

2006-12-05T16:14:00.000-07:00

Jæja, opnun í BOXinu á laugardaginn kemur. Þá mun sýna hjá okkur hún Kristín Gunnlaugsdóttir. Hún er nú viðeigandi í jólamánuðinum. Myndirnar hennar eru trúarlegar, hátíðlegar og guðdómlegar. Allir velkomnir eins og alltaf ... opnunin verður með aðeins öðru sniði þar sem la chef (Hanna Hlíf) verður í Finnlandi, en í staðinn bjóðum við upp á hátíðlegan drykk og óviðjafnanlega stemningu ... eins og alltaf.
Ég set inn myndir síðar.

Skólinn er crazy eins og alltaf. Þinglýsing er aðalmálið þessa dagana ... og svo tekur veðrétturinn við á fimmtudag. Believe you me, þetta er spennandi!
Aðalspennan er þó fólgin í því hvort maður nái áfanganum eður ei.

Og í dag eru 7 dagar í prófið, 10 dagar í að minn heittelskaði komi heim, 19 dagar í jólin og heil eilífð þar til ég klára námið! En þetta þýtur áfram eins og óð fluga.

Í nákvæmlega engu samhengi er lag dagsins Vienna með Ultravox.
Alveg frábært lag sem ég var búin að steingleyma að ég mundi eftir!
Held samt að ég sé ekki fullkomlega hlutlaus hvað álit á laginu varðar þar sem ég ligg í nostalgíukasti með dumb look upon my face þegar ég hlusta á það ... held samt að ég hafi á sínum tíma verið skíthrædd við lagið ... common, var bara 6 eða 7 ára!

OOOOOooooo Viennnnnnaaaaaaaaaaa!!!

Hver er maðurinn?

2006-12-04T16:35:00.000-07:00

Þessi alvarlegi ungi maður er í dag 15 árum eldri
Hann er ennþá sáttur við að vekja athygli hvar sem hann fer
Í dag gengur hann eingöngu í svörtu - þó skilst mér að blágræna skýlan sé enn til
Hann er einnig þekktur undir nafninu The Artist
Hann er ennþá svalasti gaurinn í bænum
Hljómsveitin sem er í mestu uppáhaldi hjá honum heitir Kiss og lagið I was made for loving you er upplagt sem soundtrackið með þessari mynd ... því skal það vera lag dagsins að þessu sinni. Hell yeah ... disco!!

Það skal tekið fram að myndin er birt með leyfi einstaklingsins. Takk fyrir það esssskan!

Um laugardaga, yfirsetu í Boxi og almenna ást

2006-12-02T11:09:00.000-07:00

Í dag er dýrðarinnar laugardagur.
Vaknaði seint og fór í Boxið til að sitja yfir sýningunni hennar Rannveigar. Verð að segja að þetta var einstaklega notalegt. Það er svo yndislegt að koma í Boxið. Sérstaklega þegar sýningin hefur róandi og andleg áhrif á mann.

Kertaljós útum allt og kósí stemning. Sérblönduð tónlist sem fylgir sýningunni eykur enn á áhrifamátt verkanna. Vöktu hugleiðingar um lífið, tilgang þess, hringrásina, alheiminn, alheimsvitundina og veru mannsins í þessu öllu. Boxið breyttist í vin í eyðimörkinni. Get ekki varist þeirri hugsun að þetta hefði átt að vera jólasýningin okkar. Þvílíkur friður. Hefði verið fullkomið í stressinu í desember.

Verkin eru mandölur - sem eru víst notaðar við hugleiðslu. Þessi yfirseta gaf mér mikið og hlýt ég að þakka Rannveigu fyrir þessa gjöf.

Ég held svei mér þá að ég sé jafnvel tilbúin til að byrja að lesa eignarréttinn að nýju ... sem virðist í fljótu bragði vera í hrópandi mótsögn við allt fyrr ritað ... but a man's gotta do what a man's gotta do.

Það var opnun á Café Karólínu í dag. Stefán Boulter (kærasti Rannveigar) sýnir teiknimyndir! Svolítið óvenjulegt fyrir hann held ég ... en kannski opinbera ég með þessu vanþekkingu mína á listamanninum ... en ég hef bara séð málverk eftir hann hingað til.

Stefán lærði og vann með snillingnum Odd Nerdrum um árabil og hefur öðlast með því mikla tæknilega hæfileika í málverkinu. Hann sýnir á sér aðra hlið með þessari sýningu. Ég veit ekki hversu lengi sýningin stendur. Líklega verður skipt út fyrir jólasýningu um næstu helgi.

Það var líka opnun í DaLí gallerý í dag. Ég fór ekki. Mér skilst að þar sýni Magdalena Kjartansdóttir grafíkmyndir sínar. Hún er mjög góð og ég hef lengi verið aðdáandi hennar. Alveg síðan ég sá mannhæðarháa grafíkmynd eftir hana á Listasafni Akureyrar fyrir mörgum árum. Myndin var af stúlkubarni sem var eingöngu íklætt nærbuxum og rauðum háhæluðum skóm. Ég sá þarna nákvæma spegilmynd af mér þegar ég var barn og hafði stolist í skóna hennar mömmu. Gat ekki annað en brosað við minninguna. Starfsmaður safnsins hafði aðra skoðun á verkinu. Lýsti því yfir með vissum hneykslunartón að þetta væri "svona lolitu eitthvað ... " sem var alls ekki mín tilfinning fyrir verkinu. Henni tókst næstum því að skemma það sem fallegt var. Ég, neminn, gat ekki þagað og sagði frá minningu minni sem mér fannst þessi mynd draga fram í huga mér. Konan horfði á mig hissa og sagði "vó ... bara játningar hérna" og hló hneyksluð og horfði á hina nemana í leit að samþykki. Ég snöggreiddist og sannfærðist þar og þá um að þessi kona ætti bara alls ekki að starfa við safnafræðslu ... anywhere.
Ahh ... skemmtileg minning ... hmm ... hvar var ég ... já, opnun í DaLí. Ég held að ég skelli mér á morgun. Kannski ég nái að spjalla við listamanninn um þetta. Kannski ég sleppi því. Vil bara halda í mína upplifun af verkinu.

Svo hér er ég bara. Sitjandi. Pínulítið sandkorn á risastórri kúlu sem þeytist á ógnarhraða í kringum aðra risastóra kúlu. Þegar ég hugsa um það hversu agnarsmá ég er í þessum heimi, þá hugsa ég um hversu lítil mistök mín eru. Niðurstaðan er: why worry?
Á maður ekki að gera það allrabesta úr hlutunum? Njóta hverrar mínútu? Like there's no tomorrow? Segja það sem maður vill segja, elska þann sem maður vill elska ... og njóta þess bara af fullum hug?
Þetta er svo stuttur tími. Eins gott að njóta þess bara.
Mikið er hrrriiiikalega freistandi að hafa lag dagsins ofurvæmið og fullt af ást núna ... eins og If tomorrow never comes (blikk til þín elsku fallega Harpa ;)... en ég held að lag dagsins verði samt að vera Heartbeats með The Knife. Snilldarlag!

Bloggerinn kominn í lag!! Jei!!!

La guenda, por favor

2006-11-30T09:48:00.000-07:00

Jú, maður er bara sigldur - kann að biðja um reikninginn á erlendu tungumáli (eins og sést á titli bloggsins að þessu sinni) ... er samt ekki viss um að þetta sé alveg rétt skrifað ... en ... anyhuw ... komin frá Spáni já. Búin að gera það sem ég ætlaði að gera, skrifa undir það sem þarfnaðist undirskriftar ... og ... OLÉ ... mamma og pabbi skrefinu nær að eignast íbúðina sína á La Marina. Það verður nú gott að fara þangað í slökun, segi nú ekki annað.
Semsagt, hittum fyrir spænska stjórnsýslu í essinu sínu þarna (2ja tíma bið til að fá að vita að það vantaði ljósrit) en við vorum samt heppin að hafa góðan fasteignasala með okkur sem þekkti gaurinn á lögreglustöðinni svo við gátum reddað ljósritinu og komist að aftur án þess að fara aftast í röðina og bíða í aðra 2 tíma ... eins og sumir ... hehehe ... suckazzzzz.

Samt skemmtilegt að bíða á Local Policia stöðinni, sem var eins og klippt úr bíómynd frá ... tja ... Spáni svei mér þá. Gaman að upplifa eitthvað öðruvísi. Sérstaklega var skemmtilegur þessi eini maður sem tók á móti umsóknunum um NIE numero (kennitölu). Þarna sat hann. Snyrtilegur og fínn, með útvarpið í botni og bara þessi harmakvein spiluð (sorrí spánverjar ... tónlistin ykkar er stundum ekkert sérstök) og með sama snyrtilega svipinn allan tímann. Útlendingarnir sem fylltu herbergið töluðu hátt svo að bergmálaði flísalagðra veggja á milli. Hreint út sagt ærandi hávaði þarna inni. Svo, á einum tímapunkti, stóð snyrtilegi maðurinn upp og lækkaði í útvarpinu, snéri sér að fólkinu og talaði hratt og ákveðið. Ég skildi ekki neitt. Og allir þögnuðu eins og skot. Snyrtilegi maðurinn settist aftur með sama svipinn og hélt áfram að vinna ... og allir steinhéldu kjafti. Hvað sagði hann?
Rick (fasteignasalinn okkar) hvíslaði að hann hefði sagt að ef að við lækkuðum ekki í okkur myndi höfuðið á honum springa og hann myndi henda öllum út ef það kæmist ekki á vinnufriður.
Needless to say ... þögnin réði ríkjum. Það vildi enginn þurfa að koma aftur á morgun og bíða í 2 tíma ... hvað þá að höfuðið á honum myndi springa ... uss, way to much paperwork.

Og þar sem ég tek alla hluti með trompi, las ég bók eftir spænskan höfund á leiðinni út (en ekki hvað?). Ég las hana reyndar úti líka og gat hreinlega ekki hætt fyrr en ég kláraði bévítans bókina. Aðra eins snilld hef ég ekki lesið síðan ég las Ilminn forðum daga. Snilldin heitir Skuggi vindsins eftir Carlos Ruiz Zafón. Ég grét þegar ég kláraði hana af hreinum söknuði.

Hmmm, ég get nú ekki sagt að ég hafi beinlínis saknað Íslands og kuldans í 20° hitanum þarna á Spáni. Það er samt alltaf gott að koma heim ... sofa í sínu rúmi og vera með sínum nánustu (-1).

Lag dagsins er El Mariachi með Antonio Banderas. Það er tekið úr myndinni Desperado eftir Rodriguez (sem er snillingur!) og ég skammast mín ekkert fyrir að segja að þetta er ein af mínum uppáhalds myndum ... upphafsatriði myndarinnar er best og Buscemi frábær.
Banderas syngur lagið sjálfur - ofursvalur, sérstaklega þegar hann bjargar konunni með gítarnum og missir hvorki takt né hárlokk úr tagli! Mig langar til að læra spænsku þegar ég hlusta á þetta. Mig langar til að kunna spænsku þegar ég les Skugga vindsins.
Mig langar svo margt.

Um fjölskylduferð, eignarrétt og James Blunt

2006-11-23T12:30:00.000-07:00

Já, mér tókst hið ómögulega. Ég var sú eina sem datt af sleðanum í miðri ca. 2 metra brekku. Áður höfðu börnin (Saga, Elísa, Henný, Friðrik og Dagur) rennt sér án áfalla. Jón og Björk runnu glæsilega niður - enda Jón reyndur snjósleðakappi ... muna ekki allir eftir Bala #56??
Þetta er mynd úr fjölskylduferðinni sem ég minntist á í fyrri færslu. En það er löngu sannað að mér tekst ávallt hið ómögulega.

Þarna var snjór. Í dag er snjór. Undanfarið hefur verið frekar kalt. Allt niður í -15°. En nú er ég á leiðinni til Spánar. Ég fer suður á morgun og svo út hinn. Ég kem samt aftur ...

Nú ... það er búið að vera geðveikt að gera í skólanum. Við erum að læra eignarrétt núna þannig að ég mun geta svarað einhverjum spurningum varðandi það eftir ca. 2 vikur. Reyndar er þetta mjög skemmtilegt fag. Því hvað á sterkari tök í manninum en eignarrétturinn. Eitt það fyrsta sem við lærum sem börn er: Ég á!
Við erum alltaf að velta fyrir okkur hvað við eigum, hvað aðrir eiga og hvað gerist ef margir eiga saman eitthvað. Svona fyrir utan allar hugsanirnar um hvernig við getum nú eignast eitthvað.
Endalaust gaman að þessu.
Við erum semsagt búin að lesa allskonar dóma um eignarréttinn ... ótrúlegt hvað fólk getur karpað um þvottahús, klósett, geymslur og allan fjárann. En allt er þetta gott og gilt.

Því hef ég nú ekki haft mikin tíma til að blogga að ráði ... hvað þá að velja lag dagsins. Sem er synd og skömm. Því hef ég ákveðið að lag dagsins verði í rauninni tvö lög.

Fyrra lagið er You're Beautiful með James Blunt ... sem er nauðsynlegt í ljósi þess að seinna lagið er I May just have to murder James Blunt með Mitch Benn. Þeir sem vilja betri hljómgæði og vilja heyra textann almennilega ættu að klikka hér. Þetta finnst mér fyndið ... drepfyndið. Takk fyrir hláturskastið Vignir.

Jæja, nú ætla ég að fara að gera það sem mér finnst skemmtilegast að gera ... telja niður dagana þar til kærastinn kemur til landsins ... andvarp ... gisp ... tsk ... smæk ...

Buenos noches!

Less is more ... more or less

2006-11-20T16:17:00.000-07:00

I don't believe in an interventionist God
But I know darling that you do
But if I did I would kneel down and ask Him
Not to intervene when it came to you
Not to touch your hair on your head
But to leave you as you are
And if He felt He had to direct you
Then direct you into my arms

Into my arms, oh Lord
...

I don't believe in the existance of angels
But looking at you I wonder if that's true
And if I did I would summon them together
And ask them to watch over you
To each burn a candle for you
To make bright and clear your path
And to walk like Christ in grace and love
And guide you into my arms

Into my arms, oh Lord
...

But I believe in love
And I know that you do too
And I believe in some kind of path
That we can walk down me and you
So keep your candle burning
Make a journey bright and pure
That you'll keep returning always and evermore

Into my arms ...

Er til fallegra lag? Er til fallegri texti? Hef engu við þetta að bæta.

Da da da

2006-11-18T07:40:00.000-07:00

Eins og ég minntist á áður, þá er opnun hjá okkur í dag í BOXinu kl. 15.
Úti er -14°C og samkvæmt því kalt en hvílík fegurð! Vaðlaheiðin rjómableik, himininn fölblár, snjórinn ... aðeins of mikið af honum reyndar. Úti er stillt veður og tilvalið að klæða sig í góðu kápuna, setja á sig trefil og viðeigandi hlífar, tölta í brakandi snjónum inn í hlýtt BOXið þar sem gleðin og friðurinn er við völd - og njóta sýningarinnar hennar Rannveigar. Viðeigandi heiti á sýningunni líka: MUSTERI

Ég og Dagur Júlíus ætlum að mæta. Ætli við kíkjum ekki líka í Populus og JV gallerí. Jafnvel Ketilhúsið. Svo er fundur hjá Gilfélaginu kl. 17. Allsherjarfundur þar sem menningarvitar bæjarins mæta og brainstorma um ... tja ... menningu. Það á því að boða til fundar og stilla strengi þeirra sem standa að menningarviðburðum í bænum. Áhugavert verð ég að segja. Gaman að sjá hvað kemur út úr þessu. Allir eru velkomnir sem áhuga hafa á menningu yfirleitt.
Sjáum til hversu áhugasamur D.J. verður. Litli einræðisherrann.

Einu sinni átti ég Casio hljómborð (ef hljómborð skyldi kalla) - þetta var lítið, með nótnaborði og ýmiskonar takti (samba, rock 1, rock 2, Waltz ofl.). Þetta undratæki var keypt árið 1983 í Þýskalandi þegar fjölskyldan fór í "bílaleigubíll-og-tjald-ferð" um Evrópu. Ég og bróðir minn vorum vægast sagt að gera foreldra okkar geðveika á leiðinni. En við fundum takt í tækinu sem var alveg eins og í lagi sem við höfðum heyrt í útvarpinu og sungum endalaust "Da da da".
Og lag dagsins er einmitt Da da da með Trio en flotta Casio tækið má einmitt sjá í myndbandinu.
Myndbandið er ákaflega súrt eitthvað en textinn finnst mér frábær (ich lieb dich nicht du liebst mich nicht) ... og svo er lagið geggjað!

Auf wiedersehen!

Opnun í galleriBox og símtöl úr óvæntri átt

2006-11-17T01:44:00.000-07:00

Ætla að byrja á því að minna á opnun í galleriBox á morgun kl. 15! Rannveig Helgadóttir ætlar að sýna hjá okkur málverk og stendur sýningin til 7. desember. Allir velkomnir og verða veitingar að venju ... mmmmm .... matur, vín og list!

Annars verður nóg um að vera í Gilinu. Opnanir á hverju strái. Ein í Populus Tremula, önnur hjá JV gallerí og enn ein í Ketilhúsinu. Kristinn G. opnar hjá JV og í Ketilhúsinu! Nóg um að vera.

Fékk áhugavert símtal í gær um kvöldmatarleytið. Það var hringt í gsm símann úr númeri sem ég kannaðist ekki við. Djúp, hljómþýð karlmannsrödd spurði hvort þetta væri Tinna.
Jaaá var svarið, en að mér læddist tortryggni. Hvað nú?
Hann kynnti sig. Sagðist heita Jónas og að hann væri að hringja fyrir "ónefndan" frambjóðanda í prófkjöri Sjálfstæðisflokksins hér á Akureyri. Jahérna. Líklega átti ég von á öllu öðru. Það eina sem mér datt í hug að segja var "Og eruð þið bara farnir að hringja í fólk út í bæ ... í gemsana þeirra ... á kvöldmatartíma?" Og svarið var: "Ja, ég er að hringja í þá sem eru á skrá hjá flokknum." ..... (þögn).......(þögn).......(þögn)......What?
Ég semsagt komst að því að ég er skráð í Sjálfstæðisflokkinn.
Á dauða mínum átti ég von, en ...

Fyrsta hugsun: Ég held að ég hafi ekki verið með það miklu óráði í veikindunum að hafa rifið upp símtólið og hringt í símanúmer sem ég ekki þekki og skráð mig í Flokkinn. - útilokað
Önnur hugsun: Er Zúúúber þátturinn farinn að gera símahrekk á kvöldin? - útilokað
Þriðja hugsun: Samþykkti ég eitthvað í einhverju kokteilboði lagadeildarinnar? - útilokað þar sem ég hef verið mikill félagsskítur og sjaldan ... ef bara aldrei ... mætt.
Fjórða hugsun: Einhver hefur skráð mig í Flokkinn.
Því spyr ég: Hver skráði mig í Sjálfstæðisflokkinn?

Ég spurði því manninn í símanum hvort einhver úti í bæ (sagði reyndar ekki "einhverjum sem er illa við mann" en var næstum því búin að missa það út) skráð mann í hvaða flokk sem er? Og hann sagði já og varð eitthvað vandræðalegu yfir þessu öllu saman.

Þetta ætti ekki að vera neitt stórmál. Nema ég hef alltaf sagt - við alla - að ég er óflokksbundin. Ég tók meðvitaða ákvörðun um það fyrir nokkurm árum. Og þetta gerir mig á vissan hátt að lygara.
Hins vegar fékk þetta mig til að hugsa. Líklega þarf ég að endurskoða afstöðu mína í þessum málum. Ég man ekki hvers vegna ég ákvað að standa fyrir utan þetta allt. Mér fannst það rétt. En eins og lýðræðið virkar á Íslandi í dag, þá er kosning á fjögurra ára fresti um fyrirfram valið fólk (n.b. sem aðrir velja), ekki alveg að virka í mínum huga. Það er ekki nóg fyrir mig.

Þannig að ég sagði þetta við manninn í símanum. Og hann sagði "hhuh heh einmitt" og ég sagði "þannig að þegar maður vill hafa meira áhrif en á fjögurra ára fresti þá ætti maður að skrá sig í flokk - þannig getur maður haft áhrif hverjir eru í hvaða sæti á listanum..." (Þarna skaut hann inn í "Einmitt!") og ég hélt áfram "... reyndar ætti maður þá að skrá sig í alla flokkana og hafa áhrif á öllum stöðum þar sem ég trúi frekar á að kjósa einstaklinga fremur en flokka per se." eina sem hann sagði var "heh ... ja... sko ... heh".
Ég þakkaði honum kærlega fyrir upplýsingarnar og kvaddi.
Ég er að hugsa málið núna.

Kannski þetta hafi haldið fyrir mér vöku í nótt. Kannski þetta hafi orsakað "súrar" draumfarir hjá mér í nótt sem jaðraði við "náttmör" (sbr. nightmare) eins og nýyrðasnillingurinn hún frænka mín kallaði það. Kannski er það þess vegna sem lag dagsins er Lullaby með The Cure.

Jæja ...

2006-11-16T08:06:00.000-07:00

Ég er endurfædd. Risin úr öskustónni rétt eins og Fönix forðum. Merkilegt hvað veikindi geta fengið mann til að endurmeta allt. Þegar ég lá í fósturstellingu á köldu baðherbergisgólfinu og hélt að ég væri að deyja þá hugsaði ég um allt sem ég hefði viljað vera að gera annað ... væri ég frísk. Nú er ég frísk. Jeii!
Ég er samt ekki á sólarströnd eða á skautum með krökkunum eða á kaffihúsi með vinkonum eða að baka súkkulaðiköku ... er reyndar ekki að gera neitt af því sem ég hugsaði um að ég væri að gera ef ég væri frísk.
Svona er þetta nú bara. Would have, should have, could have ... allt óraunhæft.

Fróðleiksmoli dagsins: Alþjóðlegur sáttmáli um vernd bókmenntaverka og listaverka var gerður í Bern í Sviss árið 1886 (Bernarsáttmálinn). Er þetta hinn elsti og að flestra mati jafnframt hinn merkasti alþjóðasáttmáli á sviði höfundaréttar. Íslenska ríkið gerðist aðili að sáttmálanum 1947. (Heimild: Höfundaréttur eftir Pál Sigurðsson)

Lag dagsins er gott og kósí og smúsí sem er tilvalið þegar veðrið er eins og það er og þegar maður saknar þess sem maður hefur ekki ... Cecilia með Thomas Dybdahl ... yndisleg rödd.

Kvartanir

2006-11-14T13:22:00.000-07:00

Allir geta kvartað undan einhverju. Ég gæti t.d. kvartað undan því að kærastinn minn er í órafjarlægð, að veðrið sé hryllingur, að skype virkar bara alls ekki alltaf, að matur sé of dýr, að ríkisstjórnin sé ekki að standa sig ... í rauninni væri hægt að kvarta undan öllu.
En kvartanir geta líka verið yndislegar og frábærar og dásamlega fyndnar. Í réttu samhengi.
Lag dagsins er með Helsinki Complaints Choir og ég held ég verði að segja að aðra eins snilld hef ég ekki séð lengi ... takk fyrir ábendinguna Vignir.

Uusi maku!
(sem er finnska og þýðir "nýtt bragð" ... sá það á tannkremstúpu)

Meiri snjór ... get svo svarið það!

2006-11-13T16:48:00.000-07:00

Þetta var nú aldeilis skemmtilegur dagur í gær. Það snjóaði. Svo rigndi ... einmitt þegar við vorum búin að taka okkur til, dúða okkur upp fyrir haus, taka til kakó, kaffi, kleinur, teppi, aukaföt og snjóþotur. Svo þarna stóðum við. Komin í bústað. Snjórinn að hverfa og við að stikna í snjógöllunum. Það var nefnilega alveg hreint yndislegt veður.
Jón Baldvin, Björk og krakkarnir komu og við ákváðum að hafa það gaman. Jáh, það er fátt sem stoppar þessa fjölskyldu skal ég segja ykkur ... þegar búið er að plana gaman - þá verður gaman!
Fundum brekku og meira að segja snjó til að búa til einn snjókarl.
Takið eftir ... þetta var í gær. Nú er nægur snjór til að búa til einn snjókarl á hvern haus í landinu ... og það bara úr snjónum af bílnum mínum!

Dagurinn í dag var semsagt barátta við veður og færð. Swing, vals, bossanova, samba og gott ef ég sá ekki bílana taka smá hipphopp líka á götum bæjarins ... já, umferðin var tekin með trukki og dýfu í dag. Allir á leiðinni að redda vetrardekkjunum. Þetta var svona "Gamanveður" eins og sonur minn kallaði það eftir að hafa mistúlkaði örvæntingarfullt hræðsluóp móður sinnar (í stjórnlausum bíl) sem gleði-rússibana-taugaveiklunarhlátur ... og ískraði af hlátri allsendis óttalaus í aftursætinu. Þetta sakleysi.

Talandi um sakleysi ... Árni Johnsen bara á leiðinni inn á þing! Jæja, nóg um það.

Lag dagsins er tengt annarskonar sakleysi sem tilheyrir ungum aldri. Ég heyrði þetta lag áðan og yfir mig helltust minningarnar ... ég elska þegar lög innihalda svona mikið af minningum. Þetta umrædda lag á í rauninni 3 æviskeið hjá mér. Þau eru eftirfarandi:

Tinna ca.9 ára - að horfa á Skonrokk (sem var, fyrir þá sem ekki vita, þáttur sem sýndi heitustu tónlistarmyndböndin á þeim árum). Hún syngur með laginu hátt og snjallt (því henni fannst þetta ÆÐISLEGT lag) "Víbílooon"
Tinna 13 ára - uppgötvar að söngkonan var ekkert að syngja um borgina Víbílon heldur var hún að segja "We belong" ... textinn meikar allt í einu sens.
Tinna 32 ára - heyrir lagið og finnst það ennþá ÆÐISLEGT því að Tinna ca.9 ára er ennþá þarna inni. Kemst að því að hún er enn að misskilja textann eitthvað og syngur "we belong to the other" í stað "we belong to the thunder".

Eeeeen, lag dagsins er semsagt lagið Víbílon með Pat Benatar. Snilldar myndband sem hefur allt sem 80' lag verður að hafa: Vind, mikinn farða, axlapúða, flögrandi klósettpappír (eða rifin lök ?), synthesiser, barnakór í fjarska .... og æðislegan trommara sem lítur út eins og Sveppi eftir danska kúrinn ... priceless!

Hvað gerðist?

2006-11-12T04:29:00.000-07:00

Það snjóaði í nótt. Og það snjóar enn. Það er tvennt í stöðunni:

vera inni, kveikja á kertum og kúra í sófanum með krökkunum
fara út í bústað, renna sér á snjóþotu og fá sér heitt kakó á eftir

Já, synd og skömm að foreldrar mínir skulu missa af þessu ... eru bara á Spáni í hita og sól, sötrandi sangria ... ekki vildi ég skipta ... finnst sangria ekkert gott og sól er ofmetinn.

Það kemur ekkert annað lag til greina sem lag dagsins en Somewhere over the rainbow með snillingnum Israel Kamakawiwo'ole.

Lífið er gott!

Opnun og íshokkí!

2006-11-11T10:55:00.000-07:00

Í dag er fjölskyldudagur.
Byrjaði vel. Björk hin fagra frænka mín kom í heimsókn - sem er alltaf skemmtilegt. Svo fórum við (ég, Saga og Dagur) á sýningu fagurlistadeildar Myndlistaskólans á Akureyri. Þau voru með innsetningar í Rósenborg (Barnaskólanum), Populus Tremula, Deiglunni og svo eina útsetningu fyrir utan Myndlistaskólann. Krakkarnir voru mjög hrifnir og höfðu gaman af þessu - og ég líka. Verð að venja mig á að fara með myndavél á viðburði svo ég geti sett myndir með blogginu ... man það næst.
Fórum þvínæst í Blómaval og tjúttuðum þar með páfagaukum og öðrum gaukum. Get svarið það, þegar ég hló þá hermdi páfagaukurinn eftir mér ... og náði mér alveg. Hryllingur!
Í kvöld er stefnan tekin á skautahöllina. Ætlum að hitta Mimmi og strákana og horfa á íshokkíleik! Jeii!! Áfram SA!
Í tilefni þess er lag dagsins Take your mama out með Scissor Sisters ... en ekki hvað?!

Mastersritgerð, BOX og fortíðin

2006-11-07T12:58:00.000-07:00

Ég bíð spennt eftir að hitta hann Ágúst á fimmtudag, en hann er yfir mastersritgerðaráfanganum sem ég er í núna. Við eigum að ákveða efni, leiðbeinanda, vera komin með heimildir (þó líklega ekki tæmandi lista þar sem við skilum eftir ca. eitt og hálft ár) og uppbyggingu ritgerðar. Þetta er allt mjögsvo spennandi ... sérstaklega þar sem ritgerðarefni mitt er frekar opið. Skulum orða það þannig að það er rúm fyrir nýjar hugmyndir og breytingar.

Ritgerðarefnið mitt verður tilraun til að sameina menntun mína ... loksins!
Ég vil skrifa um myndlist og lög. Er á fullu að skoða þau lög sem ná yfir myndlistarheiminn og sér í lagi höfundalög. Efnið er nú samt frekar loðið - hvet því þá myndlistarmenn (og myndlistarunnendur) að hafa samband við mig ef þeir eru með mál (spurningar, athugasemdir ... allt bara) sem gæti passað undir þetta. Er galopin og móttækileg - rétt eins og svangur ungi í hreiðri.

Næst á dagskrá í BOXinu er Rannveig Helgadóttir, en hún mun opna hjá okkur þann 18. nóvember. Við stelpurnar erum mjög spenntar og hlökkum til að sjá hvernig hún mun nýta BOXið (nánar).
Fréttastofan N4 (akureyrarsjónvarpið) gerði alveg hreint ágætis úttekt á sýningunni hans Curver. Tekið var viðtal við listamanninn og var það mjög gott og upplýsandi. Maður varð bara himinlifandi hamingjusamur af því að horfa á þetta allt. Svo voru myndskotin af sýningunni sjálfri bara alveg bjútifúl ... sýndi vel hvernig þetta var allt saman.

Já, svo verð ég að segja frá því að ég fann gamlan vin á netinu (uss, þessi tækni í dag ... vil því að gefnu tilefni þakka Al Gore fyrir að hafa næstum því fundið upp netið).
Þessi drengur var vinur minn í Hofstaðaskóla í Garðabæ og átti heima við sömu götu og ég. Síðan eru liðin mörg ár ... more than I care to remember ... kynntumst þegar við vorum 6 ára ... segi ekki meir.
Það er svo fyndið hvernig minnið virkar. Ég get ekki sagt að ég hafi munað eftir honum öll þessi ár en hinsvegar hef ég greinilega aldrei gleymt honum. Svo bara sér maður hann á netinu og þá er rétt eins og hann hafi alltaf verið þarna. Það væri kannski ekki alveg rétt að segja að hann hafi ekkert breyst (6 ára strákar eru ekki með djúpa rödd og skegg ... common knowledge) en samt er litli yndislegi strákurinn þarna ennþá þegar ég horfi á hann. Svo syngur hann bara eins og engill!
Set inn link á tónlistarmyndbandið hans hér, því þetta er lag dagsins ... það heitir Dreamer og hann heitir Siggi Pálma.

Svarið við eilífðarspurningunni ...

2006-11-06T11:10:00.000-07:00

What band from the 80s are you?

You rule. in 15 years, you won't be as known as you are now, but most of the people that will know you then will like you (or else I'll beat them with a stick). You're nice to listen to.
Take this quiz!

Ég bara varð að hafa eina svona færslu. Snilldarpróf hér á ferð. Hver vill ekki vita svarið við þessari grundvallarspurningu lífsins?

Hinsvegar er spurning hvort ég hefði birt niðurstöðuna ef að útkoman hefði til dæmis verið ... tja ... Culture Club eða Milli Vanilli. Maður spyr sig.

Og það kemur því ekki á óvart að lag dagsins er Here comes your man með The Pixies ... því hann er jú væntanlegur ... hah, gæti ekki valið betra lag!

Hanna Hlíf, Curver og fjölskyldan

2006-11-04T17:39:00.000-07:00

Hanna Hlíf, sem er ein af BOXstelpunum, opnaði í dag sýningu sína "Puntustykki" á Café Karólínu. Þetta eru útsaumuð puntustykki (eins og maður sá á hverju heimili hér á árum áður og yfirleitt stóð á þeim eitthvað á þá leið að ... kaffisopinn væri góður ... eða eitthvað) en á þeim eru staðreyndir um konur í samfélaginu. Virkilega vönduð sýning og vel að henni staðið - svo eru setningarnar sem hún velur að sauma í stykkin sláandi. Hvet alla til að kíkja á Línuna og sjá.

Curver hélt áfram að sofa af sér sýninguna í BOXinu í dag. Undarlegt hvað maður venst nektinni. Verkið hans er í rauninni afskaplega fallegt. Og fyrir ofan hann þar sem hann sefur, nakinn í fósturstellingu á köldu steingólfinu, er lítill miði - eins og merking við listaverk - og á honum stendur "Án titils" Líkami, sterk svefnlyf. Rétt eins og við málverk hefði staðið Olía á striga.
Það hefur enginn hneykslast svo sjáanlegt sé. Allir sem hafa komið á sýninguna hafa nálgast þetta verk á sinn hátt - en flestir hafa nú ekki stoppað lengi. Rétt eins og þeir vilji ekki trufla.
Það er búið að vera lærdómsríkt að sitja yfir þessari sýningu. Horfa á fólk koma inn. Horfa á það leita að listaverkinu. Horfa á það þar sem það tekur ekki eftir honum fyrr en allt í einu. Og viðbrögðin eru stórkostlega mismunandi. Allt frá ópi, þar sem viðkomandi bregður, til hlýju - sem lýsir sér í setningum eins og "Já, þarna er hann blessaður ... er honum ekki kalt?"
Svo er stórkostlegt að vera þarna og spjalla í rólegheitunum. Gleyma sofandi, nakta manninum, muna svo eftir honum og vera hálf skömmustulegur yfir því að hafa yfirhöfuð gleymt honum.
Án efa mun þessi sýning lifa í minningunni.

Já, svo var big happy family dinner í kvöld. Mikið hlegið og talað og hlegið meira og talað. Borðuðum "drifskaft" eins og Gulla frænka kallar blessað lambalærið og drukkum rautt. Alltaf gaman að hitta þessa stórkostlegu fjölskyldu í þessum ham. Markús frændi og skvísan hans voru þarna, Björk og Tíkallinn (Jón Baldvin), Gulla frænka, ma & pa, uppáhalds bróðir minn var þarna líka og svo auðvitað hann Dagur Júlíus ofurtöffari (sem er hættur að vera Batman og er núna "nautljón-með-horn-og-klær" ... hvað sem það nú er).

Ahhh ... já, lífið er nú ágætt stundum. Og svo er uppáhalds "stelpumyndin" mín í sjónvarpinu: French kiss með Meg Ryan og Kevin Kline. Það er nú alveg til að toppa þetta.
Í tilefni af því ætla ég að starta nýrri reglu hér á blogginu og tilnefna lag dagsins í lok hverrar færslu.
Í þetta sinn er lag dagsins La Mer - í flutningi Kevin Kline úr fyrrnefndri bíómynd.
Au revoir!

Curver í galleriBox

2006-11-02T15:33:00.000-07:00

Jæja, þá er komið að því að halda opnun í galleriBOX. Þetta verður án efa eftirminnileg sýning þar sem Curver er þekktur fyrir að fara sínar eigin leiðir eins og kötturinn. Það er mikil spenna í loftinu og stelpurnar í BOXinu búnar að taka allt til fyrir opnunina sem er klukkan 17 , föstudaginn 3. nóvember. Allir eru velkomnir og auðvitað verður boðið upp á girnilegan og heilsusamlegan rétt sem Hanna Hlíf galdrar fram af sinni alkunnu snilld. Léttar guðaveigar verða einnig á boðstólnum svo framundan er gleði og hamingja fyrir líkama og sál. List og lyst ... þetta verður ekki betra! Allir velkomnir!

p.s. svo er ég loksins búin að finna hluta af vinnustofudótinu mínu og er það komið í BOXið ... allt að gerast ... Jeii!!

pp.ss. Til hamingju með daginn elsku pabbi minn ... skálum fyrir 60 árunum!

Fyrsta færsla - skyldi ég gefast upp?

2006-10-31T09:43:00.000-07:00

Jæja, nú ætla ég að prófa þetta. Það er reyndar búið að vera gríðarlega mikið að gera hjá mér en þar sem ég er nú orðin BOXstelpa þá verður maður aðeins að sýna lit og blogga! Ég stefni á að setja hér inn viðburði BOXins, lífsins og námsins ... og bara steypa eins og gengur og gerist. Vonandi verður bloggið hluti af lífsmynstrinu ... rétt eins og að fara í ræktina (keypti árskort og er alltaf á leiðinni), taka vítamín (sem ég gleymi alltaf) og að stunda hugleiðslu (er það það sama og að horfa á Skjá 1?) ... æ, slæm dæmi. Jæja, batnandi mönnum og allt það. Vona það besta.